უახლესი ამბები
არქივი
კომენტარი
თუ „ოცნება“ საკონსტიტუციო უმრავლესობას საარჩევნო სისტემის რეფორმირებისთვის გამოიყენებს, ჩავთვლი, რომ სასწაულები ხდება- ხათუნა ლაგაზიძე
ექსპერტ ხათუნა ლაგაზიძისთვის არჩევნების შედეგი იყო აბსოლუტრად პროგნოზირებადი.
როგორც ლაგაზიძემ პრესკონფერენციაზე აღნიშნა, ის რომ „ქართული ოცნება“ საკონსტიტუციო უმრავლესობას აიღებდა, ჩანდა პირველი ტურის დასრულებისთანავე.
მისი თქმით, ეს შედეგი ორმა ფაქტორმა განაპირობა, პირველი ის რომ, „ქართული ოცნების“ ერთადერთი კონკურენტი ნაციონალური მოძრაობა იყო, რომლის ირგვლივ არ მოხდა დანარჩენი ოპოზიციური სპექტრის ამომრჩევლის მობილიზება. ნაციონალური მოძრაობა „ქართული ოცნების“ პირისპირ მარტო დარჩა.
„მეორე და მნიშნელოვანი ის, რომ აუცილებლად შესაცვლელია ქვეყანაში მაჟორიტარული სისტემა. „ქართული ოცნების“ საკონსტიტუციო უმრავლესობა განაპირობება სწორედ მაჟორიტარული არჩევნების წესმა“,-აღნიშნა ხათუნა ლაგაზიძემ.
მისი თქმით, მაჟორიტარული სისტემის შეცვლა სასიცოცხლოდ მნიშვნელოვანია.
„თუ ამ საკონსტიტუციო უმრავლესობას „ოცნება“ გამოიყენებს საარჩევნო სისტემის ძირეულ რეფორმირებისთვის , მე ჩავთვლი, რომ ამ ქვეყანაში სასწაულები ხდება“,-აღნიშნა ექსპერტმა.
მონიკა დავლიანიძე