უახლესი ამბები
- 19.04.2024 12:06საქართველოს ტერიტორიასა და მის ფარგლებს გარეთ მოქმედ პირთა გარკვეული ჯგუფი, 2023 წლის ოქტომბერ-დეკემბერში საქართველოში გეგმავდა დესტაბილიზაციას და სამოქალაქო არეულობის მოწყობას, რომლის საბოლოო მიზანი ხელისუფლების ძალადობრივი გზით შეცვლა იყო - სუს-ის ანგარიში
- 19.04.2024 11:50დიდი ოდენობით თანხის მოტყუებით დაუფლების ფაქტზე ბრალდებულები სასამართლომ დამნაშავედ ცნო
არქივი
საზოგადოება
თუ ქართული სასამართლო არ მიიღებს „სითი პარკის“ გამამართლებელ განაჩენს, კომპანია მიმართავს საერთაშორისო არბიტრაჟს - კომპანიის იურისტი
„სითი პარკი“ სამართლებრივ დავას იწყებს თბილისის მერიის წინააღმდეგ. კომპანია ხელშეკრულების შეწყვეტის შესახებ კახი კალაძის გადაწყვეტილების გაუქმებას მოითხოვს. „სითი პარკის“ შეფასებით, ეს გადაწყვეტილება სამართლებრივ საფუძველსაა მოკლებული.
კომპანიის იურისტის, თამარ შუბითიძის თქმით, მათი მოთხოვნის დაუკმაყოფილებლობის შემთხვევაში, „სითი პარკი“ საერთაშორისო არბიტრაჟს მიმართავს.
„კომპანიას მიაჩნია, რომ ხელშეკრულების შესახებ გადაწყვეტილება გამოცემული იყო სამართლებრივი საფუძვლის გარეშე. თუ ქართული სასამართლო არ მიიღებს კომპანიის გამამართლებელ განაჩენს, კომპანია მიმართავს საერთაშორისო არბიტრაჟს“, - აცხადებს შუბითიძე.
13 მარტის ბრიფინგზე კალაძემ განაცხადა, რომ მერია „სითი პარკთან“ კონტრაქტს წყვეტს 10 აპრილს. „სითი პარკთან“ ხელშეკრულების გაწყვეტის გამო მერია პირგასამტეხლოს არ გადაიხდის.
„სითი პარკსა“ და მერიას შორის ხელშეკრულება ძალაში უნდა ყოფილიყო 2024 წლის 31 დეკემბრამდე.