კომენტარი

თუ რამე იციან, თქვან, თუ არადა, ჭორაობას თავი დაანებონ - გიორგი ვაშაძე

ჩემზე რომ რამე კომპრომატი იყოს, ეს კომპრომატი იქნებოდა უკვე დიდი ხნის გავრცელებულიც და გამოყენებულიც, არაერთხელ მქონია განსხვავებული პოზიციები თუნდაც მის მერ დასახელებულ პიროვნებებთან, – ამის შესახებ „სტრატეგია აღმაშენებლის“ ლიდერმა გიორგი ვაშაძემ განაცხადა.

აღნიშნული კომენტარით ის გამოეხაურა ალეკო ელისაშვილის განცხადებას, რომლითაც მან არ გამორიცხა, რომ გიორგი ვაშაძეს ყოფილი ხელისუფლების წარმომადგენლები, მათ შორის მერაბიშვილი და ბოკერია კომპრომატებით ემუქრებოდნენ.

გიორგი ვაშაძე ელისაშვილის ამ განცხადებას ტყუილს და ჭორაობას უწოდებს.

„ვინმეს რომ ჩემზე რაიმე კომპრომატი ჰქონდეს, დიდი ხნის წინ იქნებოდა გამოყენებული: არაერთხელ მქონია განსხვავებული პოზიციები თუნდაც მის მიერ დასახელებულ პიროვნებებთან. ეს არის ტყუილი, ზღაპარი. ძალიან ვთხოვ ყველას, რომ აქცენტი იყოს „ქართული ოცნება“ და არა ოპოზიცია. ასეთ განცხადებებს დიდ ყურადღებას არ ვაქცევ, მაგრამ ასეთი პოზიციონირება ხელს უშლის მოლაპარაკებების შედეგიანად დასრულებას. თუ რამე იციან, თქვან, თუ არადა, ჭორაობას თავი დაანებონ. ეს ჭორაობაა! პოლიტიკოსი შეთხზვებით კი არ უნდა იყოს დაკავებული, არამედ საქმის გადაწყვეტით“,– განაცხადა ვაშაძემ ელისაშვილის საპასუხოდ.

თავად იაგო ხვიჩიამ განაცხადა, რომ კომპრომატებზე საუბარი „ქართული ოცნების“ ნარატივია.

რაც შეეხება თავად შეხვედრას, როგორც თაკო ჩარკვიანმა თქვა, ვაშაძემ დამოუკიდებლად აწონ–დაწონა ვითარება და მიიღო შესაბამისი გადაწყვეტილება.

როგორც დაანონსდა, „მოქალაქეები“ ოპოზიციონერ ლიდერებთან კონსულტაციების დაწყებას გეგმავდნენ. მიზანი საარჩევნო სისტემის ფუნდამენტური ცვლილებების აუცილებლობის ირგვლივ პოზიციების შეჯერება იყო.