პოლიტიკა

თუ ვინ იქნება დასახებული პრემიერ-მინისტრობის კანდიდატად, დღეს, 17.00 საათზე გახდება ცნობილი - კახა კალაძე

თბილისის მერისა და პარტია „ქართული ოცნების“ გენერალური მდივნის, კახა კალაძის ინფორმაციით, მმართველი გუნდის პრემიერ-მინისტრობის კანდიდატის ვინაობა დღეს, 17:00 საათზე გახდება ცნობილი.

„დღეს, 5 საათზე არის შეხვედრა უმრავლესობასთან. მოწვეული იქნებიან მთავრობის წევრები და კანდიდატთან დაკავშირებით იქნება მსჯელობა. მიღებული იქნება გადაწყვეტილება. თუ ვინ იქნება დასახებული და გადაწყვეტილება 17.00 საათზე გახდება ცნობილი“, -უთხრა კალაძემ ჟურნალისტებს.

მას არ დაუკონკრეტებია, განიხილება თუ არა პრემიერ-მინისტრის პოსტზე მამუკა ბახტაძის კანდიდატურა.

ცნობისთვის, გუშინ გიორგი კვირიკაშვილმა პრემიერ-მინისტრის თანამდებობა დატოვა, რაც ავტომატურად ნიშნავს მთავრობის გადადგომასაც.