უახლესი ამბები
არქივი
კომენტარი
თუ ვინმეს მოკვლას გაბედავდნენ მოკლავდნენ სხვას და არა პატრიარქს - დედა სიდონია
დედა სიდონიას განცხადებით, მისთვის დაუჯერებელია, რომ მამა გიორგი მამალაძე იმ დანაშაულის ჩადენას ცდილობდა, რომელშიც მას პროკურატურა ადანაშაულებს.
როგორც დედა სიდონიამ განაცხადა, მამა გიორგი მამალაძე პატრიარქის ნდობით აღჭურვილი პირია და მისი დანაშაულის არც პატრიარქს არ სჯერა.
,,მამა გიორგი არის საკმაოდ საღად მოაზროვნე და გაწონასწორებული, საკმაოდ კეთილგანწყობილი და მე პირადად ვერ ვიჯერებ, რომ მამა გიორგის შეეძლო ეს გაეკეთებინა. თუ ვინმეს მოკვლას გაბედავდნენ მოკლავდნენ სხვას და არა პატრიარქს. არანაირი საჭიორება და მიზანი არ შეიძლება ყოფილიყო ეს მათთვის.
თუ ვამბობთ, რომ პროკურატურას გამოძიება არ დაუსრულებია ვერ ვიტყვით, რომ მან დანაშაულის პრევენცია მოახდინა. ჩემთვის პირადად საინტერესო ის არის, რომ საპატრიარქოს და სასულიერო პირების მიმართ ასეთი უტრირებული აქცენტები კეთდება. მაგალითად, ბოლო დროს იყო მეუფე სერაფიმეზე, მამა ალექსანდრე გალდავაზე, მამა თეოდორე გიგნაძეზე. მე ვისურვებდი, რომ სახელმწიფო განვითარდეს, ძალიან ბევრი პრობლემაა და ამაზეც გააკეთონ აქცენტი და არ მოხდეს თემის გადატანა, თორემ მე არ ვამბობ, რომ რაც დანაშაულია, არ უნდა შეეხონ. საპატრიარქოს დისკრედიტაცია თუ ხდება ეს შიგნიდან ხდება, თუმცა ბოლო დროს აქცენტების გადატანა სახელმწიფოს ნაცვლად სასულიერო პირებზე ხდება.
მამა გიორგი მამალაძე პატრიარქის ნდობით აღჭურვილი პირია და პატრიარქს არ სჯერა ეს“- განაცხადა დედა სიდონიამ.
მთავარი პროკურატურის ინფორმაციით, დეკანოზი გიორგი მამალაძე მკვლელობის მომზადების ფაქტზე დააკავეს. გამოძიება დაიწყო 2017 წლის 2 თებერვალს ერთ-ერთი მოქალაქის განცხადების საფუძველზე, რომელმაც მომართა საქართველოს პროკურატურას და მიუთითა, რომ მისმა ნაცნობმა მამა გიორგი მამალაძემ სთხოვა სიცოცხლისთვის საშიში შხამიანი ნივთიერების - ციანიდის მოძიებაში დახმარება, რომლის გამოყენებითაც ამ უკანასკნელს, როგორც შეხვედრისას განმცხადებელმა გაარკვია, უნდა მოეხდინა მაღალი იერარქიის სასულიერო პირის სიცოცხლის ხელყოფა.
პროკურატურაში არ აკონკრეტებენ, იყო თუ არა ეს მაღალი იერარქიის სასულიერო პირი სრულიად საქართველოს კათოლიკოს- პატრიარქი.
ნინო ექვთიმიშვილი