უკან

პოლიტიკა

11 აპრილი, 2018 16:45
font-size

თუკი ბიძინა ივანიშვილი მინიმუმ ნეიტრალიტეტს გამოაცხადებს პროცესისადმი, მაშინ კობახიძეს გამოიტანენ იმ კაბინეტიდან - გია ხუხაშვილი

პოლიტოლოგი გია ხუხაშვილი მმართველ გუნდში მიმდინარე პროცესებს გამოეხმაურა. როგორც მან ტვ პირველის ეთერში ივარაუდა, დაპირისპირება „ქართული ოცნების“ დაშლით არ დასრულდება.

მისივე განმარტებით, დაძაბულობა გამოიწვია მმართველი გუნდის ახალგაზრდა, მაგრამ მცირერიცხოვანი ჯგუფის ამბიციებმა, რომლებმაც დანარჩენი უმრავლესობა გააღიზიანა.

„მე არა მგონია, რომ ეს კრიზისი დაშლაში გადაიზრდება, იმიტომ რომ „ქართულ ოცნებაში“ არ მომხდარა ლიდერების გენერაცია, ანუ ადამიანების, რომლებსაც აქვთ საკუთარი რესურსი, რომ დაიწყონ საკუთარი პოლიტიკური თამაში ბიძინა ივანიშვილის ფაქტორის გარეშე. ესაა საკმაოდ დიდი დაჯგუფება, შეიძლება ითქვას, მთელი უმრავლესობა, რომელიც დღემდე დგას ბიძინა ივანიშვილის ფაქტორზე და დამოუკიდებელი მოძრაობის საშუალებები არ აქვს. აქედან გამომდინარე, ესაა უფრო შიდა გარჩევები და ამ გარჩევების ტემპერატურა იწევს, რადგან როგორც ჩანს, ივანიშვილი ინარჩუნებს გარკვეულ ნეიტრალიტეტს ამ პროცესისადმი გარკვეული პერიოდით, მაგრამ ჩემი აზრით, ის იძულებული გახდება, დაალაგოს ეს სიტუაცია. ასე რომ დრამატიზებას არ დავიწყებდი.

რაც შეეხება მიმდინარე პროცესს, ესაა აბსოლუტურად კანონზომიერი, რაც ხდება, იმიტომ რომ პარლამენტში გაჩნდა 10-მდე ახალგაზრდა, ახალგაზრდაში მხოლოდ ასაკი არ მაქვს მხედველობაში, ანუ გამოუცდელი, პოლიტიკურად ახალგაზრდა. პოლიტიკურად გადამწიფებულ თინეიჯერებს ვეძახი ამ ხალხს, ესენი არიან ადამიანები, რომლებსაც არც გამოცდილება არ აქვთ, არც კომპეტენცია, არც ისეთი მორალურ-ზნეობრივი თვისებები, არც განსაკუთრებული ფასეულობათა სისტემა და აქვთ ამბიცია, მართონ პარლამენტი ავტორიტარული მეთოდებით, არა მხოლოდ პარლამენტი, არამედ ქვეყანაც. უკვე ეს ამბიციებიც გაუჩნდა. ისინი არიან უმცირესობაში და აქვთ პრეტენზია, რომ აკონტროლონ ყველა და ყველაფერი. გამოუცდელ, არაშორმჭვრეტელ ადამიანებს ხშირად ემართებათ, ხშირად უჩნდებათ იმის ილუზია, რომ ისინი არიან სამყაროს ბატონ-პატრონები და ბუნებრივია, რომ უმრავლესობის უმრავლესობა, რომელიც აქამდე რაღაცნაირად უყურებდა ამ სიტუაციას და არ უნდოდა ამ ყველაფრის გამოტანა საჯაროდ, რაღაც კრიტიკულ წერტილს მიუახლოვდა და ამ ყველფერმა გამოხეთქა“, -თქვა ხუხაშვილმა.

მისი თქმით, დაპირისპირების ბედი იმაზე იქნება დამოკიდებული, რა პოზიციას დაიკავებს ბიძინა ივანიშვილი.

„უმრავლესობის მომავალი ქმედებები დამოკიდებული იქნება, თუკი რა იქნება ბიძინა ივანიშვილის პოზიცია. ეს მათ დღემდე არ იციან. თუკი ბიძინა ივანიშვილი მინიმუმ ნეიტრალიტეტს გამოაცხადებს პროცესისადმი, მაშინ კობახიძეს გამოიტანენ იმ კაბინეტიდან, იმიტომ რომ რეალურად მას არ ჰყავს არავინ. ესაა მარტოდ დარჩენილი ძალიან ვიწრო ჯგუფი, ამბიციური, რომელიც არავისზე უკეთესი არაა და ამავე დროს აბსოლუტურ მოუკრეფავში არიან გადასულები“, -თქვა ხუხაშვილმა.

ექსპერტის თქმით, ივანიშვილის ნეიტრალიტეტის შემთხვევაში, ირაკლი კობახიძის, როგორც პარლამენტის თავმდჯომარის „დღეები არის დათვლილი“.

ინფორმაცია უმრავლესობაში არსებული დაპირისპირების შესახებ მას შემდეგ გაჩნდა, რაც გედევან ფოფხაძემ საზოგადოებრივი მაუწყებლის სამეურვეო საბჭოში ნინია კაკაბაძის არჩევის გამო მმართველი გუნდის დატოვების გადაწყვეტილება მიიღო.

ფოფხაძის განცხადებებს პარლამენტის თავმჯდომარე გამოეხმაურა და თქვა, რომ დეპუტატმა „საკმაოდ მძიმე შეურაცხყოფა მიაყენა თავის თანაგუნდელებს და ეს გააკეთა რელიგიური თემის სპეკულირების ფონზე“.

ირაკლი კობახიძის განცხადება მიუღებელი აღმოჩნდა დეპუტატ დავით ჭიჭინაძისთვის, რომელმაც არ გამორიცხა პარლამენტის თავმჯდომარის იმპიჩმენტის საკითხის დაყენება.

უმრავლესობის დეპუტატების ბოლოდოინდელ განცხადებებს ფრაქცია „ქართული ოცნების“ თავმჯდომარე, მამუკა მდინარაძე გამოეხმაურა. მისი თქმით, მმართველი გუნდის რამდენიმე დეპუტატი ბოლო დროს, ხშირად არღვევს დისციპლინას, რის გამოც საკითხის პარტიულ ფორმატში განხილვა გახდა აუცილებელი.

გუშინ საღამოს „ქართული ოცნების“ ოფისში გამართული შეხვედრის შემდეგ მდინარაძემ აღნიშნა, რომ სამი თუ ოთხი დეპუტატი გამოთქვამს ისეთ აზრს, „რომ არ არის მთლად კორექტული, შეურაცხმყოფელიცაა“. ჭიჭინაძემ კი განაცხადა, რომ მდინარაძემ თანამდებობა უნდა დატოვოს.

დღეს უმრავლესობის წევრმა ნუკრი ქანთარიამ არ გამორიცხა რამდენიმე დეპუტატის გარიცხვა გუნდიდან ბოლოდროინდელი განცხადებების გამო. სავარაუდო „გასარიცხი დეპუტატების“ რიგებში მან დაასახელა საკუთარი თავი, ზაზა პაპუაშვილი, გედევან ფოფხაძე, ეკა ბესელია, დავით ჭიჭინაძე და ბექა ნაცვლიშვილი.

პარტიის თავმჯდომარის გადასაწყვეტია, იქნება თუ არა პარტიული სიის სათავეში - მამუკა მდინარაძე

10 ივლისი, 2020 , 15:20

„იქნება თუ არა ბიძინა ივანიშვილი სიის პირველი ნომერი, ეს არის მხოლოდ და მხოლოდ პარტიის ხელმძღვანელის გადასაწყვეტი,” – ამის შესახებ საპარლამენტო უმრავლესობის ლიდერმა, მამუკა მდინარაძემ განაცხადა. მისი თქ

მიხეილ სააკაშვილის განცხადებასთან დაკავშირებით, საგარეო უწყებაში უკრაინის ელჩთან შეხვედრა გაიმართა

10 ივლისი, 2020 , 15:20

საგარეო საქმეთა სამინისტროში საქართველოში უკრაინის საგანგებო და სრულუფლებიან ელჩთან იგორ დოლგოვთან შეხვედრა გაიმართა. როგორც „მედიანიუსს“ საგარეო საქმეთა სამინისტროდან აცნობეს, შეხვედრაზე ქართულმა მხარემ კიდე

საქართველოს პროგრესს არაფერი ემუქრება -გიორგი გახარია

10 ივლისი, 2020 , 13:20

ჯერჯერობით, ეს არის საკანონმდებლო ინიციატივა, რომელიც კომიტეტებს გადის. რა თქმა უნდა, ამაში სასიამოვნო არაფერი არ არის. მიუხედავად იმისა, ჩვენ ყველას გვესმის, რომ ის პუნქტები, რომელიც იქ არის ჩამოთვლილი, საქართველო ყოველ

თუნდაც მე ვიქნები ბოლო ნომერი, სიაში ვინ იქნება პირველი, ამას არ აქვს მნიშვნელობა - გიორგი გახარია

10 ივლისი, 2020 , 12:50

სიაში ვინ იქნება პირველი, ამას კი არ აქვს მნიშვნელობა, მთავარია ყველამ - ოპოზიციამ, მთავრობამ, სამოქალაქო საზოგადოებამ, ჩავატაროთ სანიმუშო არჩევნები, - ამის შესახებ საქართველოს პრემიერ-მინისტრმა, გიორგი გახარიამ, ჟურნალი

„ქართული ოცნების“ კლანური მმართველობა საქართველოს ძალიან ძვირი უჯდება - გიორგი ვაშაძე

10 ივლისი, 2020 , 12:15

„ამერიკის კონგრესის საფინანსო საბიუჯეტო კომიტეტმა საქართველოს მიმართ სანქციები დააწესა, რომელიც საქართველოს სახელმწიფოს და თითოეულ მოქალაქეს პრობლემებს შეუქმნის,“ - ამის შესახებ „ახალი საქართველოს&ldquo

ვახტანგ გომელაურმა საქართველოში ევროპის საბჭოს ოფისის ხელმძღვანელთან, კრისტიან ურსესთან გამოსამშვიდობებელი შეხვედრა გამართა

10 ივლისი, 2020 , 11:10

საქართველოს შინაგან საქმეთა მინისტრმა, ვახტანგ გომელაურმა გამოსამშვიდობებელი შეხვედრა გამართა საქართველოში ევროპის საბჭოს ოფისის ხელმძღვანელთან, კრისტიან ურსესთან, რომელიც საქართველოში ხუთწლიან მოღვაწეობას ასრულებს. საქა

პირდაპირი TV

daily calendar

ვიდეო გალერეა

ამ პარტიაში ვარ პოლიტიკური ლიდერი, ვფიქრობ პოლიტიკური ლიდერობით აქედან უფრო მივაწვდენ ხმას ყველას, ვიდრე ვყოფილიყავი დიდი გაერთიანების ერთერთი წევრი - ნატო ჩხეიძე