უკან
საზოგადოება
17 თებერვალი, 2017 13:50
თუკი საპარლამენტო რესპუბლიკა გავხდებით უშიშროების საბჭოს ფუნქციონირება აზრს დაკარგავს - სოფიო ხორგუანი
უფლებადამცველი სოფიო ხორგუანის განცხადებით, თუკი ქვეყანა საპარლამენტო რესპუბლიკის მოდელზე გადავა, უშიშროების საბჭოს არსებობას აზრი აღარ ექნება.
„მაშინ, იქიდან გამომდინარე, რომ საპარლამენტო რესპუბლიკისკენ ვიხრებით და პრეზიდენტის უფლებამოსილება კიდევ უფრო შემცირდება, აზრი არ აქვს უშიშროების საბჭოს დღევანდელი ფორმით არსებობას, რადგან ის მიბმულია პრეზიდენტის ინსტიტუტზე“, - განაცხადა ხორგუანმა დღევანდელ პრესკონფერენციაზე.
ხორგუანის თქმით, შესაძლებელია, მომვალში ამ ორგანომ სხვა ფორმა მიიღოს.
რაც შეეხება საპარლამენტო რესპუბლიკის მოდელზე გადასვლის საკითხს, ხორგუანმა განაცხადა, რომ ამ ინიციატივას მხარს უჭერს და ემხრობა პრეზიდენტის არაპირდაპირი არჩევის გერმანულ ვარიანტს.
ანა მებურიშვილი