საზოგადოება

ტურიზმის განვითარების ფონდი რუსთავი 2-ის ეთერში გასულ სიუჟეტს ეხმიანება

ტურიზმის განვითარების ფონდი 2 ივლისს რუსთავი 2-ის ეთერში, გადაცემა პოსტ სკრიპტუმში გასულ სიუჟეტს ეხმიანება, რომელიც ე.წ. „პანორამა თბილისის“ მშენებლობის ეხებოდა.

როგორც ფონდის განცხადებაშია აღნიშნული, სიუჟეტში ნათქვამი იყო, რომ აღნიშნული პროექტის მშენებლობის გამო ლეგი კალანდაძეს ქონება წაართვეს.

,,საქართველოს ტურიზმის განვითარების ფონდი არავითარ ინფორმაციას არ ფლობს ლეგი კალანდაძის შესახებ, აღნიშულ პიროვნებას ან რაიმე საკითხს მასთან მიმართებაში არავითარი კავშირი არ აქვს თავისუფლების მოედანთან მშენებარე პროექტთან.

თავისუფლების მოედანთან არსებული მიწის ნაკვეთის შესყიდვა მოხდა 2014 წელს, აღნიშნული ნაკვეთი შეძენილ იქნა შენობა-ნაგებობის გარეშე, შესაბამისად დემონტაჟი ან მასთან დაკავშირებული ნებისმიერი ქმედება განხორციელდა ნასყიდობამდე, აქედან გამომდინარე, ლეგი კალანდაძის ქონების წართმევა ან უგულველყოფა, ტურიზმის განვითარების ფონდის მიერ, საფუძველს მოკლებულია.

გვინდა კიდევ ერთხელ შევახსენოთ საზოგადოებას, რომ თავისუფლების მოედანთან 7 ვარსკვლავიანი საერთაშორისო, უმაღლესი კლასის სასტუმროს მშენებლობა ყველა კანონის, ნორმისა და პროცედურების დაცვით მიმდინარეობს’’, - ნათქვამია ტურიზმის განვითარების ფონდის განცხადებაში.