მსოფლიო

თურქეთის კურორტ ქემერის სასტუმროში გაჩენილი ხანძრის შედეგად საქართველოს მოქალაქეები არ დაშავებულან

თურქული მედიის ინფორმაციით, თურქეთში, ანტალიის პროვინციაში მდებარე ქალაქ ქემერში, 5-ვარსკვლავიან სასტუმროში ხანძარი გაჩნდა, რომლის გამო 400 ტურისტი იყო ევაკუირებული. 14 ადამიანმა კვამლის ინტოქსიკაცია მიიღო.

ინციდენტი დღეს დილას მოხდა. ცეცხლი სამზარეულოში გაჩნდა და სასტუმროს დანარჩენ ნაწილსაც მოედო. რა გახდა ხანძრის გაჩენის მიზეზი, ჯერჯერობით დადგენილი არაა.

შსს-ის ინფორმაციით, ხანძრის შედეგად საქართველოს მოქალაქეები არ დაშავებულან.

ანა მებურიშვილი