მსოფლიო

თურქეთმა ბალისტიკური რაკეტები გამოსცადა

თურქეთმა პირველი სამამულო წარმოების ბალისტიკური რაკეტების „GÖKDOĞAN“- სა და „BOZDOĞAN“ -ს სატესტო გაშვება, სინოპის სამხედრო ბაზიდან, წარმატებით განახორციელა. ინფორმაცია ამის შესახებ ქვეყნის სახელმწიფო საინფორმაციო სააგენტო „ანადოლუმ“ გაავრცელა.

სატესტო რაკეტებიდან პირველი მცირე და საშუალო რადიუსის მოქმედებისაა, მეორეს კი დიდ მანძილზე მიზნის განადგურება შეუძლია.

„GÖKDOĞAN“ - სა და „BOZDOĞAN”-ის შემუშავების პროექტის დასრულება 2020 წლისთვის იგეგმება, რის შემდეგაც, ამ რაკეტების სერიული წარმოება დაიწყება.

აღნიშნული რაკეტები პირველად, 2017 წელს სტამბოლში, თავდაცვითი წარმოების საერთაშორისო გამოფენაზე წარადგინეს.