უკან
უახლესი ამბები
არქივი
მსოფლიო
30 მარტი, 2018 13:45
თურქეთში ავარიის შედეგად, სავარაუდოდ, 17 არალეგალი მიგრანტი დაიღუპა
თურქეთში, იგდირის პროვინციაში, ავარიის შედეგად სულ მცირე 17 ავღანელი, პაკისტანელი და ირანელი არალეგალი მიგრანტი დაიღუპა. ინფორმაცია ამის შესახებ „ანადოლუმ“ გაავრცელა.
გავრცელებული ინფორმაციით, მძღოლმა საჭე ვერ დაიმორჩილა და განათების ბოძს დაეჯახა, რის შედეგადაც მანქანას ცეცხლი გაუჩნდა. მგზავრებს ცეცხლმოკიდებული მანქანიდან გადმოსვლისას დიდი სიჩქარით მოძრავი მიკროავტობუსი შეეჯახათ, რომელსაც ასევე არალეგალი მიგრანტები გადაჰყავდა.
როგორც ცნობილია, მიკროავტობუსში 50-ზე მეტი ადამიანი იმყოფებოდა. სავარაუდოდ, 17 მათგანი დაიღუპა, 36 კი დაშავდა.
არალეგალები მიკროავტობუსით ყარსში მიემგზავრებოდნენ.
ცირა გურგენიძე