პოლიტიკა

თურქეთში ჩატარებული რეფერენდუმი ჩვენთან ურთიერთობაში ცვლილებებს აუცილებლად გამოიწვევს - გიგლა ბარამიძე

„დემოკრატიული მოძრაობის" პოლიტიკური მდივანის გიგლა ბარამიძის განცხადებით, თურქეთში ჩატარებულ რეფერენდუმი საქართველოსთან ურთიერთობაში ცვლილებებს აუცილებლად გამოიწვევს.

ამის შესახებ ბარამიძემ პრესკონფერენციაზე განაცხადა.

„თურქეთში ჩატარებული რეფერენდუმი ჩვენთან ურთიერთობაში პირდაპირს თუ არა, ირიბ ცვლილებებს აუცილებლად გამოიწვევს. რა თქმა უნდა, ჩვენ არ ვერევით თურქეთის შიდა საკითხებში, მაგრამ, ჩვენი მთავარი მიზანია ისე გაგრძელდეს 1992 წლის კეთილმეზობლური ურთიერთობის ხელშეკრულება, როგორც აქამდე იყო და დამყარდეს მშვიდობა თურქეთში. მინდა გითხრათ, რომ თურქეთში რეფერენდუმმა საზოგადოების სერიოზული გახლეჩა და დაპირისპირება გამოიწვია", - აცხადებს ბარამიძე.

მონიკა დავლიანიძე