უახლესი ამბები
- 23.04.2024 17:34კონტრაქცია ნიშნავს, რომ „ქართული ოცნების“ ბოლო ჟამია - სოფო ჯაფარიძე
- 23.04.2024 17:26კანონზე მსჯელობენ პოლიტიკური პარტიები პარლამენტში და არა ვიღაც გარედან, თუნდაც პარტნიორი, ოპოზიციამ კეთილი უნდა ინებოს და დაამტკიცოს, რომ კანონი არ არის კარგი - ირაკლი კობახიძე
- 23.04.2024 17:21ბიზნესი მხარს უჭერს „ქართულ ოცნებას“, ხელისუფლებას, იქიდან გამომდინარე, რომ ჩვენი უმთავრესი მიღწევა ამ ქვეყანაში არის ბიზნესის რეკეტის ერთხელ და სამუდამოდ დასრულება - ირაკლი კობახიძე
არქივი
მსოფლიო
თურქეთში მომხდარ ტერაქტზე პასუხისმგებლობა „ქურთისტანის თავისუფლების ქორებმა“აიღეს
თურქეთის ცენტრში, მომხდარ ტერაქტებზე პასუხისმგებლობა „ქურთისტანის თავისუფლების ქორებმა“აიღეს.
გვიან ღამით, თურქეთის პრეზიდენტმა რეჯეპ ტაიპ ერდოღანმა მინისტრთა კაბინეტის წევრებთან საგანგებო სხდომა ჩაატარა.
მანამდე კი, თურქეთის პრეზიდენტმა ტერაქტის შედეგად დაღუპულთა დაკრძალვას დაესწრო და მედიასთან საუბარში აღნიშნა, რომ ხალხსა და მთავრობას მეტი ყურადღება მართებს.
„აუცილებელია ტერორიზმის წინააღმდეგ ყველა გავერთიანდეთ. თურქ ხალხს მთავრობის იმედი უნდა ჰქონდეს. გავაგრძელებთ ბრძოლას ტერორიზმის წინააღმდეგ. ბრძოლა, მხოლოდ გამარჯვების შემთხვევაში შეწყდება. თუ ტერორისტები ჩვენს დაშინებას ცდილობენ, ეს არ გამოუვათ“,-განაცხადა ერდოღანმა.
ქვეყნის პრემიერის ბინალი ილდირიმის თქმით კი, ტერორისტული ორგანიზაციების მიზანია, თურქი ხალხის ერთიანობის დარღვევა.
„მათ არ სურთ, რომ თურქებმა ერთმანეთის მიმართ სოლიდარობა გამოიჩინონ. არ განვასხვავებთ ტერორისტულ ორგანიზაციებს. მათ მიმართ დაუნდობელ ბრძოლას განვაგრძობთ“,-აღნიშნა ილდირიმმა.
ბოლო მონაცემებით, 10 დეკემბრის ტერაქტების შედეგად 38 ადამიანი დაიღუპა, მათ შორის 30 სამართალდამცველია.
ტერაქტები სტამბოლის ბეშიკტაშის რაიონში მოხდა. პირველი აფეთქება ადგილობრივი დროით 22:30-ზე სტადიონთან ახლოს მდებარე დანაღმულმა ავტომობილმა გამოიწვია.
თითქმის 1-წუთიანი ინტერვალით, კი ამავე რაიონში თითმკვლელმა აიფეთქა თავი.
მონიკა დავლიანიძე