სამართალი
თურქეთში საქართველოს მოქალაქე მოკლეს
თურქეთში საქართველოს მოქალაქე გივი მაჩაიძე მოკლეს.
ამის შესახებ ინფორმაცია არასამთავრობო ორგანიზაცია „ემიგრანტთა იმედი“-ს ხელმძღვანელმა შოთა სიხარულიძემ სოციალურ ქსელში გაავრცელა.
არსებული ინფორმაციით, გარდაცვლილს დანით თავის არეში აქვს მიყენებული სასიკვდილო ჭრილობები და ამჟამდ მისი ცხედარი პროზექტურაშია გადასვენებული.
ოჯახს ეჭვი აქვს, რომ თავდასხმა ფულის გამოძალვის მიზნით მოხდა.
საქართველოს საგარეო საქმეთა სამინისტროში აცხადებენ, რომ საქართველოს მოქალაქის დაღუპვასთან დაკავშირებით ინფორმაცია 29 ივნისს სტამბოლის პოლიციის განყოფილებიდან მიღებული წერილობითი შეტყობინების შედეგად შეიტყვეს.
აღნიშნული ინფორმაციის საფუძველზე ირკვევა, რომ 28 ივნისს ურთიერთშელაპარაკების ნიადაგზე ცივი იარაღით საქართველოს მოქალაქე გივი მაჩაიძის დაჭრა მოხდა. დაჭრილი მოქალაქე საავადმყოფოში მიყვანამდე გარდაიცვალა.
მათივე ინფორმაციით, მკვლელობაში ეჭვმიტანილი მოქალაქე დაკავებულია, გადაყვანილია სასჯელაღსრულებით დაწესებულებაში, საქმესთან დაკავშირებით მიმდინარეობს გამოძიება.
საგარეო უწყებაში აცხადებენ, რომ გარდაცვლილის ცხედრის საქართველოში გადასვენება, გენერალური საკონსულოს შუამდგომლობითა და სტამბოლის მერიის მხარდაჭერით, დღეს მოხდება.
მონიკა დავლიანიძე