მსოფლიო

თურქეთში ვიკიპედია დაბლოკეს

თურქეთის ხელისუფლებამ ქვეყნის მთელ ტერიტორიაზე ონლაინ-ენციკლოპედია "Wikipedia" დაბლოკა.

ინფორმაციას ბიბისი თურქეთის ინტერნეტ მონიტორინგის საზოგადოებაზე დაყრდნობით ავრცელებს.

ადგილობრივი მედიის ცნობით, შესაბამისი გადაწყვეტილება თურქეთის საინფორმაციო ტექნოლოგიებისა და კომუნიკაციების საბჭომ მიიღო.

ამასთან, ვიკიპედიაზე ხელმისაწვდომობის შეზღუდვის ოფიციალური მიზეზი არ სახელდება.

ვიკიპედიას ნებისმიერი ენის ვერსიაზე წვდომა თურქეთში დღეიდან აიკრძალა.

აღსანიშნავია, რომ 17 აპრილს ვიკიპედიას დაუდგენელმა მომხმარებელმა იმ ინგლისურენოვანი სტატიის შინაარსი შეცვალა, რომელიც პრეზიდენტ რეჯეპ ტაიპ ერდოღანს ეხებოდა.

"რეჯეპ ტაიპ ერდოღანი - თურქი დიქტატორი, რომელიც 2014 წლიდან იკავებს ქვეყნის პრეზიდენტის თანამდებობას," - ნათქვამი იყო შესწორებულ ტექსტში.

ნინო ექვთიმიშვილი