უკან

უახლესი ამბები

დღის კალენდარი

ანონსები

არქივი

საზოგადოება

24 იანვარი, 2017 15:30
font-size

თვალთვალი და ქალთა იძულებითი სტერილიზაცია დასჯადი ხდება - მთავრობამ ცვლილებათ პაკეტი დაამტკიცა

დღევანდელ სხდომაზე მთავრობამ ოჯახში ძალადობის წინააღმდეგ მომზადებული საკანონმდებლო ცვლილებების პაკეტი დაამტკიცა, რომლის ერთ-ერთი მუხლის თანახმად, თვალთვალი დასჯადი ხდება. განხორციელებული ცვლილებების მიზანი ქალთა უფლებების დაცვისა და ქალთა წინააღმდეგ ძალადობის შესახებ საქართველოს კანონმდებლობის სტამბოლის კონვენციასთან შესაბამისობაში მოყვანაა.

ცვლილებათა პაკეტი 20-მდე საკანონმდებლო აქტს ეხება, მაგალითად, სისხლის სამართლის ან შრომის კოდექსს, პოლიციის შესახებ კანონსა და ა.შ. დოკუმენტი იუსტიციის სამინისტრომ მოამზადა.

ცვლილებების თანახმად, სისხლის სამართლის კოდექსში შემოდის ახალი ცნება - „ადევნება“. აღნიშნული ქმედება დასჯადი ხდება და გულისხმობს პირის, მისი ოჯახის წევრის ან სხვა ახლო ნათესავის არაკანონიერ თვალთვალს, როგორც პირადად, ასევე მესამე პირის მეშვეობით. „ადევნებაში “ ასევე შედის სატელეფონო, ელექტრონული თუ სხვა საშუალებებით დამყარებული არასასურველი კომუნიკაცია ან მუქარა, რაც აიძულებს პირს, მნიშვნელოვნად შეცვალოს ცხოვრების წესი. შეტანილი ცვლილებების თანახმად, ეს ქმედება ორ წლამდე თავისუფლების აღკვეთით დაისჯება.

შეიცვალა ქალთა მიმართ ჩადენილი დანაშაულის დამამძიმებელ გარემოებათა ჩამონათვალიც. დანაშაულის დამამძიმებელ გარემოებად ჩაითვლება, თუკი დანაშაული მეუღლის ან ყოფილი მეუღლის, პარტნიორის მიერ იქნება ჩადენილი უმწეო მდგომარეობაში მყოფი პირის მიმართ.

მოხდება ქალთა იძულებითი სტერილიზაციისა და ქალის გენიტალიების დასახიჩრების კრიმინალიზაციაც.

ცვლილებათა პაკეტის თანახმად, ძალადობის აღმოფხვრისთვის შესაბამისი მექანიზმების ამოქმედების სფერო სცდება ოჯახს და ქალის მიმართ საზოგადოდ გამოვლენილ ძალადობასაც ეხება. გარდა ამისა, „სტამბოლის კონვენცია“ ლგბტ-თემის, შშმ ქალების, ეთნიკურ და რელიგიურ უმცირესობათა დაცვის საკითხებსაც არეგულირებს.

„სტამბოლის კონვენცია“ , იგივე ევროსაბჭოს კონვენცია „ქალთა მიმართ ძალადობისა და ოჯახში ძალადობის პრევენციის შესახებ“ 2011 წლის 7 მაისს მიიღეს. დოკუმენტი ითვალისწინებს ქვეყნის მიერ ოჯახური ძალადობის წინააღმდეგ ერთიანი პოლიტიკის შემუშავებას, რაც მოიცავს საკანონმდებლო ბაზის მოწესრიგებას ან ძალოვან სტრუქტურებთან თანამშრომლობას. დღეისთვის კონვენცია ევროსაბწოს 13 ქვეყანაშიაა რატიფიცირებული.

2014 წლის 19 ივნისს საქართველოს იუსტიციის მინისტრმა თეა წულუკიანმა ხელი მოაწერა კონვენციას. უწყებამ 2014 წლის მეორე ნახევრიდან დაიწყო „სტამბოლის კონვენციის“ სარატიფიკაციო პაკეტზე მუშაობა, რომელიც გულისმობდა დოკუმენტთან საქართველოს კანონმდებლობის შესაბამისობაში მოყვანა.

ანა მებურიშვილი

საქართველოს წარმატებული გამოცდილება სიამოვნებით გავუზიარე მსოფლიო ლიდერებს გლობალური ვაქცინაციის სამიტზე - გიორგი გახარია

4 ივნისი, 2020 , 19:49

საქართველოს წარმატებული გამოცდილება სიამოვნებით გავუზიარე მსოფლიო ლიდერებს  გლობალური ვაქცინაციის სამიტზე, რომელსაც დღეს გაერთიანებული სამეფო მასპინძლობდა, -  ამის შესახებ საქართველოს პრემიერ-მინისტრი გიორგი გა

1 აშშ დოლარის ოფიციალური ღირებულება 2.9841 ლარი გახდა

4 ივნისი, 2020 , 17:30

ეროვნული ბანკის მიერ გამოქვეყნებული მონაცემების თანახმად, დღევანდელი ვაჭრობის შედეგად აშშ დოლარის ღირებულებამ 2.9841 ლარი შეადგინა. კურსი, რომელიც დღეს მოქმედებდა, 3.0416 ლარი იყო. შესაბამისად, დოლარის ცვლილებამ ეროვნულ

ეროვნული ბანკის ქმედებები ზოგჯერ მკაცრი და არაპოპულარული, მაგრამ ყოველთვის გააზრებული და პროფესიონალური იქნება - კობა გვენეტაძე

4 ივნისი, 2020 , 17:30

ეროვნული ბანკის ქმედებები იქნება ყოველთვის გააზრებული, ანალიზზე დაფუძნებული და არსებული სიტუაციის შესაბამისი, ზოგჯერ მკაცრი და არაპოპულარული, მაგრამ პროფესიონალური და საშუალო და მოკლევადიან პერიოდზე გათვლილი, – ამი

22 მაისამდე ქვეყანაში მოძიებულია 3 500-მდე კონტაქტი, იდენტიფიცირებულია დაახლოებით 15 კლასტერი - მთავრობის ანგარიში

4 ივნისი, 2020 , 17:30

კორონავირუსის წინააღმდეგ საქართველოს მთავრობის მიერ გატარებული ღონისძიებების შესახებ ანგარიშის მიხედვით, მთელი ქვეყნის მასშტაბით 22 მაისის მდგომარეობით, 3 500-მდე კონტაქტის მოძიება განხორციელდა. მათივე ცნობით,

ხიზანიშვილის ქუჩაზე მიმდინარე სამუშაოების გამო, მოძრაობის სქემა დროებით იცვლება

4 ივნისი, 2020 , 17:30

გლდანის რაიონში, ხიზანიშვილის ქუჩაზე სარეაბილიტაციო სამუშაოების დასკვნითი ეტაპი მიმდინარეობს, რის გამოც ტრანსპორტის მოძრაობა შეიზღუდება. გადაადგილების შეზღუდვა 11 ივნისამდე იმოქმედებს - ინფორმაციას ამის შესახებ თბილისის

მთავრობა საგანგებო მდგომარეობის დროს შეზღუდვების დაწესების მიზეზებს ასახელებს

4 ივნისი, 2020 , 17:30

COVID-19-ის წინააღმდეგ, საქართველოს მთავრობის მიერ გატარებული ღონისძიებების ანგარიშში ნათქვამია, რომ საქართველოში ახალი კორონავირუსის გავრცელების პრევენციის მიზნით, სავალდებულო შეზღუდვების შემოღება განპირობებული იყო სამი

პირდაპირი TV

daily calendar

ვიდეო გალერეა

ქრისტე აღსდგა!