პოლიტიკა
თვითმმართველობისა და საარჩევნო კოდექსის შესახებ პრეზიდენტი საზოგადოებას თავის გადაწყვეტილებას „უახლოეს დღეებში გააცნობს - ფიქრია ჩიხრაძე
პრეზიდენტის მრჩევლის, ფიქრია ჩიხრაძის განცხადებით, პრეზიდენტი უახლოეს დღეებში გააკეთებს განცხადებას თვითმმართველობისა და საარჩევნო კოდექსის რეფორმის თაობაზე. ამის შესახებ მან პოლიტიკური პარტიების წარმომადგენლებთან შეხვედრის შემდეგ ისაუბრა.
„უახლოეს დღეებში ჩამოვყალიბდებით და პრეზიდენტი საზოგადოებას თავის გადაწყვეტილებას გააცნობს. ახალი არ არის თქვენთვის, რომ მთელ ამ პროცესში პრეზიდენტს ჰქონდა კრიტიკული განწყობა ამ საკითხებთან დაკავშირებით, როგორც თვითმმართველობის კუთხით, ისე საარჩევნო კოდექსის მიმართულებით. თავად გადაწყვიტეთ, რა მოლოდინი უნდა შეიქმნათ, იქნება ვეტო თუ არა, ეს არ არის თამაშის თემა. ჩვენ პარტიებს ვეკითხებოდით დეტალურად, არის თუ არა რაიმე პოზიტიური მთელ ამ პროცესში, დაგვისახელეს გარკვეული მუხლები, თუმცა, ძალიან ბევრი იყო ნეგატიური არგუმენტი. ვიმსჯელებთ მათი მონათხრობიდან და შეჯერებულ გადაწყვეტილებას პრეზიდენტი წარმოადგენს“, -განაცხადა ჩიხრაძემ.