უახლესი ამბები
- 24.04.2024 18:09Startup Grind - ის მორიგი ღონისძიება ბათუმში გაიმართება - მხარდამჭერი საქართველოს ბანკია
- 24.04.2024 15:01სასამართლომ ირაკლი კუპრაძეს 2 500-ლარიანი ჯარიმა დააკისრა
- 24.04.2024 14:53სამედიცინო დაწესებულებების მონიტორინგის დროს გამოვლინდა ინფექციის პრევენციისა და კონტროლისთვის საჭირო ინფრასტრუქტურის ფუნქციონირების და პროცესის დარღვევების შემთხვევები - ომბუდსმენი
- 24.04.2024 14:41დღეს რუსთაველებმა ნათლად დაინახეს „ქართული ოცნების“ და „ნაციონალური მოძრაობის“ ღია თანამშრომლობის თვალსაჩინო მაგალითი - პარტია „გახარია საქართველოსთვის“
- 24.04.2024 14:16იდენტიფიცირებული იქნებიან ის პირები, რომლებიც, ხალხის რაოდენობის სიმცირის მიუხედავად, აქციის მონაწილეებს გზების პარალიზებისკენ მოუწოდებენ - შსს
- 24.04.2024 13:01საქართველოს ბანკის მხარდაჭერით გლდანი მოლი ფართოვდება
- 24.04.2024 12:38მესტიის მერი მეორე წელია დეკლარაციაში არ უთითებს ხელფასსა და 7 უძრავ ქონებას - `საერთაშორისო გამჭვირვალობა-საქართველოს`
- 24.04.2024 11:57ახალგაზრდების სოციალური მეწარმეობის პროექტების ხელშეწყობის პროგრამაზე რეგისტრაცია განახლებული პირობებით დღეს დაიწყება
- 24.04.2024 11:30შურისძიების მოტივით ჩადენილი მკვლელობის ფაქტზე ბრალდებულს 12 წლით თავისუფლების აღკვეთა მიესაჯა
- 24.04.2024 11:19პარტია „საქართველოსთვის“ წევრი ნოდარ შეროზია რუსთავის საკრებულოს თავმჯდომარეობიდან გადააყენეს
არქივი
პოლიტიკა
თვითონ კვირიკაშვილმა არ იცის რა ბედი ელის და უფლებას ვაძლევთ პარლამენტის დაუკითხავად შეცვალოს მთავრობა - ირმა ნადირაშვილი
საპარლამენტო უმცირესობის წევრის, ირმა ნადირაშვილის განცხადებით, საკონსტიტუციო ჩანაწერი, რომლის მიხედვით პრემიერ-მინისტრს შეუძლია, პარლამენტის დაუკითხავად შეცვალოს მთავრობა, არადემოკრატიულია და ასუსტებს საპარლამენტო კონტროლს.
ნადირაშვილმა დაამატა, რომ მთავრობაზე ბიძინა ივანიშვილის არაფორმალური მმართველობის გამო კიდევ უფრო დაბალია ნდობა პრემიერ-მინისტრ გიორგი კვირიკაშვილის მიმართ.
„შემოთავაზებული რედაქციით პარლამენტი მთავრობას ნდობას უცხადებს და შემდეგ პრემიერ-მინისტრს მთელი პერიოდის განმავლობაში შეუძლია, განახორციელოს ნემბისმიერი ცვლილება ისე, რომ პარლამენტს არ ჰკითხოს.
თქვენ ახსენეთ ტერმინი „დახვეწილი საპარლამენტო მმართველობა”. რამდენად ჯდება ეს დახვეწილი საპარლამენტო მმართველობის ფარგლებში, იმიტომ რომ ყველასთვის ცნობილია, ქვეყანაში არის არაფორმალური მმართველობა. მთავრობა არის ერთი ადამიანის კერძო საკუთრება, ესაა ბიძინა ივანიშვილი.
თქვენ გინდათ ამ ცვლილებით პრემიერ-მინისტრს ის უხერხულობაც ააცილოთ, როდესაც მთელ მთავრობას შეცვლის, ჩვენ მას კითხვებიც აღარ დავუსვათ და მოსაზრებები არ ვკითხოთ, რატომ ახორციელებს ამ ცვლილებებს.
განსაკუთრებით გაუგებარია მთელი ამ პროცესის გარეთ გატანა, მაშინ, როცა ვიცით, რომ პრემიერ-მინისტრმა თავად არ იცის, რა ვადით დარჩება ამ თანამდებობაზე.
შეგახსენებთ, ღარიბაშვილმა მშვენივრად დაბეჭდა მისალოცი ბარათები შობა-ახალ წელს და ამ დროს თვითონაც არ იცოდა, რომ აღარ იყო პრემიერ-მინისტრი. კვირიკაშვილს რა ბედი ელის, თავადაც არ იცის და ამ ადამიანს უფლებას ვაძლევთ, პარლამენტთან კითხვის გარეშე მთელი მთავრობა ისე შეცვალოს, რომ არავინ არაფერი არ იცოდეს. მე ვფიქრობ, რომ ეს იქნება სერიოზული დარტყმა დემოკრატიაზე და საპარლამენტო კონტროლის შესუსტება“, - განაცხადა ნადირაშვილმა.
ანა მებურიშვილი