უკან
კომენტარი
24 ნოემბერი, 2017 11:50
უახლოეს პერიოდში დაკავებულს მოვინახულებთ და დამატებითი ინფორმაციის მოპოვებას ვეცდებით - უჩა ნანუაშვილი
სახალხო დამცველს არ აქვს ინფორმაცია იმ პირთა შესახებ, რომლებიც 22 ნოემბრის ინციდენტში მონაწილეობდა.
უჩა ნანუაშვილი აღნიშნავს, რომ სახალხო დამცველის წარმომადგენლები უახლოეს დროში მოინახულებენ იმ პირს, რომელიც ანტიტერორისტული ოპერაციის შედეგად იქნა დაკავებული.
„ჯერჯერობით არ გვაქვს ინფორმაცია იმ პირთა შესახებ ვინც მონაწილეობდა ამ ინციდენტში. ჩვენ პროცესში უკვე ჩართული ვართ. უახლოეს პერიოდში დაკავებულს მოვინახულებთ და მაქსიმალურად ვეცდებით მოვიპოვოთ დამატებითი ინფორმაცია ამ საქმესთან დაკავშირებით“,-აღნიშნა სახალხო დამცველმა.
ბერი გაბრიელ სალოსის ქუჩაზე 22 ნოემბერს ჩატარებული ანტიტერორისტული ოპერაციის შედეგად 3 პირი იქნა ლიკვიდირებული, ერთი კი დაკავებული.
ოპერაციის შედეგად ერთი სპეცრაზმელი გარდაიცვალა, ოთხი კი დაშავდა.
მონიკა დავლიანიძე