უახლესი ამბები
არქივი
საზოგადოება
უფალთან არავის გასვლია სიტყვის ჭახრაკობა - როსტომ ჩხეიძე
„სიცრუითაა გაჟღენთილი ჩვენი სახელმწიფოს მიმტაცებელი და მმართველად მოვლენილი ივანიშვილი და ამიტომაც უმატებს დანაშაულს დანაშაულზე, საბჭოთა ეპოქის გადმონაშთისაგან რომ აღარც გაგვერჩევა,“ - ამის შესახებ მწერალი როსტომ ჩხეიძე სოციალურ ქსელში წერს.
„უფალთან არავის გასვლია სიტყვის ჭახრაკობა.
მწარედ მეცინება, როდესაც ბატონ ივანიშვილსა და მის მთავრობასთან დაკავშირებით შეცდომებს ახსენებენ.
შეცდომას რა უშავს - ადამიანურია და ყველა ჩვენგანსაც შეიძლება მოგვივიდეს, მერე რაღაც კიდეც გამოვასწოროთ, რაღაც კი სხვას გაუხდეს გამოსასწორებელი.
რასაც ეს ადამიანი სჩადის, უკვე დანაშაულია.
ხოლო დანაშაული სატანურია , და გამოსწორება ვერ უშველის, ამიტომაც პირწმინდად უნდა აღმოიფხვრას.
გახსოვთ რუსთველური: რადგან თავია სიცრუე, ყოვლისა უბედობისაო?
ამ სიცრუითაა გაჟღენთილი ჩვენი სახელმწიფოს მიმტაცებელი და მმართველად მოვლენილი ივანიშვილი და ამიტომაც უმატებს დანაშაულს დანაშაულზე, საბჭოთა ეპოქის გადმონაშთისაგან რომ აღარც გაგვერჩევა, და კიდეც გაიხვეტება თავის კრიმინალურ გუნდიანად, ყველა გადმონაშთს რა ხვედრიც ელოდება.
ყველა-ყველა და: უფალთან არავის გასვლია სიტყვის ჭახრაკობა.“ - დაწერა როსტომ ჩხეიძემ.