საზოგადოება

უფასო სახელმძღვანელოების პროგრამა არ შეჩერებულა და არანაირი საფრთხე არ ემუქრება - თეიმურაზ მურღულია

უფასო სახელმძღვანელოების პროგრამა არ შეჩერებულა და არანაირი საფრთხე არ ემუქრება, - განაცხადა განათლებისა და მეცნიერების მინისტრის მოადგილემ, თეიმურაზ მურღულიამ ,,ნაციონალური მოძრაობის’’ მიერ გუშინ გავრცელებული ინფორმაციის პასუხად.

მურღულიას თქმით, აღნიშნული საკითხი 2016 წელს გამოქვეყნებულ 4 წლიან სამოქმედო გეგმაშია გაწერილი.

”უფასო სახელმძღვანელოების პროგრამა არ შეჩერებულა და არანაირი საფრთხე არ ემუქრება. არა იმიტომ, რომ გუშინ, ან გუშინწინ ვინმემ გააკეთა განცხადება ამასთან დაკავშირებით, არამედ იმიტომ, რომ 2016 წელს, როცა ოთხწლიანი სამოქმედო გეგმა დამტკიცდა, იქ არის გაწერილი ეს პროგრამა, რომელიც აუცილებლად განხორციელდება. ყველა ინსინუაცია, რომ პროგრამას რაიმე პრობლემა აქვს, ეს მხოლოდ პოლიტიკური ქულების დაგროვების სურვილია და მეტი არაფერი”, - განაცხადა მურღულიამ.

ნინო ექვთიმიშვილი