მსოფლიო
უკრაინას უნდა მივაწოდოთ ყველაფერი, რაც გამარჯვებისთვის სჭირდება - იენს სტოლტენბერგი
უკრაინისთვის ნატოს დახმარება 100 მილიარდ ევროზე მეტს შეადგენს, - ამის შესახებ ნატოს გენერალურმა მდივანმა იენს სტოლტენბერგმა ჰელსინკში SAMAK-ის ჩრდილოეთის სამიტზე სიტყვით გამოსვლის დროს განაცხადა.
სტოლნტენბერგის თქმით, რუსეთი დაკავებულია ომში მეტი სამხედროების გაწვევით და მიმართავს ირანსა და ჩრდილოეთ კორეას, რათა მეტი იარაღი მიიღოს.
მან აღნიშნა, რომ მოკავშირეები შეშფოთებული არიან რომ ჩინეთი შესაძლოა მოსკოვს ეხმარებოდეს, ამიტომ საჭიროა კიევის მოთხოვნილებების სწრაფად და უფრო ხარისხიანად დაკმაყოფილება.
“უკრაინას უნდა მივაწოდოთ ყველაფერი, რაც გამარჯვებისთვის სჭირდება. მივესალმები მნიშვნელოვან დახმარებას, რომელსაც ჩრდილოეთის ქვეყნები უკრაინას აწვდიან. ეს ნამდვილად იძლევა ბრძოლის ველზე ვითარების ყოველდღიურად შეცვლის საშუალებას, ამიტომ მადლობას ვუხდი ჩრდილოეთის ქვეყნებს ასეთი დახმარებისთვის”, - თქვა სტოლტენბერგმა.