მსოფლიო

უკრაინაში დიპლომატიური პასპორტის მქონე საქართველოს მოქალაქე დააკავეს - ის უნგრეთში 45 ყუთი სიგარეტის გადატანას ცდილობდა

უკრაინაში, ზაკარპატიეს ოლქის გამშვებ პუნქტ „უჟგოროდში“ დიპლომატიური პასპორტის მქონე საქართველოს მოქალაქე დააკავეს, რომელიც უნგრეთში სიგარეტის 45 ყუთის გადატანას ცდილობდა.

უკრაინის სახელმწიფო სასაზღვრო სამსახურის ინფორმაციით, მანქანის ჩხრეკაზე უცხოეთის მოქალაქე თავდაპირველად უარს ამბობდა, რის გამოც ადგილზე გამოიძახეს უკრაინაში საქართველოს საელჩოს წარმომადგენლები.

„გამშვებ პუნქტში ჩეხური რეგისტრაციის მქონე მიკროავტობუს "Мerсedes-Bens Viano"-ს სასაზღვრო შემოწმების დროს პროცესში თამბაქოს ძიებაზე გაწვრთნილი სასაზღვრო სამსახურის ძაღლი ჩაერთო. ამან მანქანის უფრო საფუძვლიანი ჩხრეკის საფუძველი მისცა, თუმცა უცხოელმა უარი თქვა სატრანსპორტო საშუალების დათვალიერებაზე. ამის გამო ადგილზე გამოიძახეს უკრაინაში საქართველოს საელჩოს წარმომადგენლები და მძღოლის ადვოკატი“, - წერია უწყების პრესსამსახურის განცხადებაში.

ჩხრეკის შედეგად 21 სხვადასხვა ზომის ჩანთა აღმოაჩინეს მანქანის სალონში. შიგთავსის საერთო ღირებულების ჯერ კიდევ ადგენენ.

ანა მებურიშვილი