საზოგადოება

უკრაინაში მყოფი ,,იბერიას“ რეპორტიორი ინციდენტის დროს დაშავდა

ტელეკომპანია ”იბერიას” საინფორმაციო სამსახურის უფროსის ვახო ხუზმიაშვილის ინფორმაციით, უკრაინაში მყოფი ”იბერიის” ახალი ამბების ჯგუფის რეპორტიორი შოთა ფალავანდიშვილი დაშავდა.

ინციდენტი იმ დროს მოხდა, როდესაც საქართველოს ყოფილმა პრეზიდენტმა, მიხეილ სააკაშვილმა პოლონეთ-უკრაინის საზღვარი გადაკვეთა.

როგორც ვახო ხუზმიაშვილმა მედიანიუსს განუცხადა, ფალავანდიშვილის ტვინის შერყევა აქვს.

,,ის ინციდენტში მოყვა. თავში მოხვდა ბლაგვი საგანი და დაუზიანდა. ტვინის შერყევა აქვს, თუმცა მის ჯანმრთელობას საფრთხე არ ემუქრება. პირველადი დახმარება ექიმებმა აღმოუჩინეს“, - განაცხადა ვახო ხუზმიაშვილმა.

ნინო ექვთიმიშვილი