მსოფლიო

უკრაინაში „РИА Новости Украина“-ის ვებგვერდი 3 წლით დაბლოკეს

უკრაინაში საინფორმაციო სააგენტო „РИА Новости Украина“-ის ვებგვერდი 3 წლით დაბლოკეს. ამის შესახებ ნათქვამია უკრაინის პრეზიდენტის, პეტრო პოროშენკოს ბრძანებაში.

სანქციების ფარგლებში სააგენტოს აქტივებიც იქნება დაბლოკილი.

ცნობისთვის, უკრაინის უსაფრთხოების სამსახურმა და ყირიმის ავტონომიური რესპუბლიკის პროკურატურამ რუსეთის კონტროლქვეშ არსებულ მედიასტრუქტურათა ქსელის საქმიანობა გამოავლინეს. ამის გამო „РИА Новости Украина“-ის კიევის სათავო ოფისში საგამოძიებო მოქმედებები ჩატარდა. ასევე დააკავეს „РИА Новости Украина“-ის ხელმძღვანელი კირილ ვიშინსკი, რომელსაც სახელმწიფოს ღალატში წარუდგინეს ბრალი. 17 მაისს ჰერსონის საქალაქო სასამართლომ მას 2-თვიანი პატიმრობა შეუფარდა.