მსოფლიო

უკრაინაში სამხედრო საწყობში საბრძოლო მასალის აფეთქებას დივერსიის მუხლით იძიებენ

უკრაინის სამხედრო პროკურატურამ დასახლებულ პუნქტ კალინოვკაში მდებარე სამხედრო საწყობში საბრძოლო მასალის აფეთქების საქმეს დივერსიით მუხლით იძიებს. ამის შესახებ Українські Новини იუწყება უსაფრთხოების სამსახურის სპიკერის, ელენა გიტლიანსკაიაზე დაყრდნობით.

საქმე აღძრულია უკრაინის სისხლის სამართლის კოდექსის 113 მუხლით.

ხანძარი გუშინ, კიევის დროით საღამოს 9 საათზე გაჩნდა. ადგილზე მობილიზებულია ვინიცის, ჟიტომირისა და ხმელნიცკის ოლქების სამართალდამცველები.

არსებული ინფორმაციით, აღნიშნულ სამხედრო საწყობში 188 ათასი ტონა საბრძოლო მასალა ინახება. არსენალი 60 ჰექტარ ფართობზეა გაშლილი. საბრძოლო იარაღს შორის არის რაკეტები „სმერჩი“, „ურაგანი“ და „გრადი“.

ხანძრის ჩაქრობის ოპერაციაში ჩართულია 691 ადამიანი და 149 ერთეული ტექნიკა.

ცნობილია, რომ 2 ადამიანი დაშავდა. როგორც ტელეკომპანია 112 Украина-ის ეთერში ვინიცის საოლქო ადმინისტრაციის უფროსის მოადგილემ ანდრეი გიჟკომ განაცხადა, მათ სერიოზული ტრავმები არ აღენიშნებათ.

კალინოვკისა და ვინიცის რაიონებიდან 30 000-მდე ადამიანი ევაკუირებული. ხალხს ანაწილებენ ვინიცის რაიონულ საავადმყოფოში და საოლქო სკოლებში.

მომხდარის გამო შეიცვალა 14 მატარებლის მარშრუტი, ასევე ევაკუირებულია 4 სარკინიგზო ხაზის თანამშრომლები.

უკრაინის საგანგებო სიტუაციათა სახელმწიფო სამსახურმა 4 საცხოვრებელ სახლში ხანძრის ლიკვიდირება მოახერხა.

ანა მებურიშვილი