მსოფლიო

უკრაინაში ტელეკომპანია რუსთავი2-ის ოპერატორი გაიტაცეს - დავით საყვარელიძე

უკრაინის გენერალური პროკურორის ყოფილი მოადგილის, უკრაინის პარტია „ახალი ძალების მოძრაობიის“ წევრის, დაცვით საყვარელიძის ინფორმაციით, უკრაინაში სამი ქართველი გაიტაცეს.

საყვარელიძის ინფორმაციით, ესენია ტელეკომპანია რუსთავი2-ის ოპერატორი, უკრაინაში მებრძოლი ვანო ნადირაძე და ზურაბ ცინცაძე.

ამის შესახებ საყვარელიძემ Facebook-ში პირად გვერდზე დაწერა.

„პოროშენკო ავტორიტატრულ ტერორს აგრძელებს: დღეს, ტელეკომპანია რუსთავი2-ის ოპერატორი, უკრინაში მებრძოლი ვანო ნადირაძე და ზურაბ ცინცაძე გაიტაცეს. შეიჭრნენ იმ სახლებში და კაფეებში სადაც ეს ხალხი იმყოფებოდა! ამჟამად, ისინი უცნობი მიმართულებით მიჰყავთ. ეს განუკითხაობაა! სიტყვები არ მყოფნის! სახელმწიფო აპარატი ქართველებთან ბრძოლაზეა გადასული, იმ ქართველებთან, რომლებიც ქვეყანაში ცვლილებებს უჭერენ მხარს. მათ ებრძვიან იმის მაგივრად, რომ უკრაინელების ინტერესები დაიცვან! როგორი მეწვრილმანეები ხართ!“,-დაწერა საყვარელიძემ.

მონიკა დავლიანიძე