პოლიტიკა

უკრაინელი ხალხი ქედს იხრის იმ ქართველი, მოძმე ბიჭების წინაშე, რომლებიც 2014 წელს ჩამოვიდნენ უკრაინაში და ჩაეწერნენ უკრაინის შეიარაღებულ ძალებში - პეტრო პოროშენკო

საქართველოსა და უკრაინის პრეზიდენტებმა ერთობლივ პრესკონფერენციაზე, ორი ქვეყნის მეგობრობისა და პარტნიორობის მნიშვნელობაზე ისაუბრეს.

უკრაინის პრეზიდენტმა პეტრო პოროშენკომ იმ ჯარისკაცებზეც ისაუბრა, რომლებიც უკრაინაში ბრძოლის დროს 2014 წლიდან დღემდე დაიღუპნენ. პეტრო პოროშენკო ამბობს, რომ უკრაინელი ხალხი ქედს იხრის მათი ხსოვნის წინაშე.

„უკრაინელი ხალხი ქედს იხრის იმ ქართველი, მოძმე ბიჭების წინაშე, რომლებიც 2014 წელს ჩამოვიდნენ უკრაინაში და ჩაეწერნენ უკრაინის შეიარაღებულ ძალებში და იცავდნენ ჩვენი ქვეყნის ტერიტორიულ მთლიანობას. ისინი დარწმუნებულნი იყვნენ და მართლებიც იყვნენ, რომ იცავდნენ საქართველოს. მე გულწრფელ მადლობას ვუხდი ურთიერთობის ამ დონისთვის. ზუსტად ეს ურთიერთობები აყალიბებენ იმ ისტორიულ დოკუმენტს, რომელსაც დღეს ჩვენ მოვაწერეთ ხელი ბატონო პრეზიდენტო,“-განაცხადა პოროშენკომ.

ნინო ექვთიმიშვილი