მსოფლიო

უკრაინის დელეგაცია საუდის არაბეთში აშშ-სთან მოლაპარაკებებისთვის ჩავიდა

უკრაინის დელეგაცია დღეს, 11 მარტს, საუდის არაბეთის ქალაქ ჯიდაში ჩავიდა, სადაც აშშ-ის წარმომადგენლებთან მოლაპარაკებები გაიმართება.

დელეგაციის ხელმძღვანელმა, უკრაინის პრეზიდენტის ოფისის ხელმძღვანელმა ანდრი ერმაკმა განაცხადა, რომ მთავარი თემები უკრაინის ინტერესების დაცვა და ომის დასრულების მკაფიო ხედვა იქნება.

„გუნდი ადგილზეა. ვემზადებით სამუშაოსთვის. დავიცავთ უკრაინის ინტერესებს და ეფექტურად ვიმუშავებთ ამერიკელ პარტნიორებთან“, – აღნიშნა ერმაკმა.

შეგახსენებთ, რომ შეხვედრა იმართება იმ ფონზე, როდესაც აშშ-სა და უკრაინას შორის დიპლომატიური დაძაბულობა გამწვავდა, კერძოდ, დონალდ ტრამპის ემოციური რეაქციის შემდეგ, რომელიც ოვალური კაბინეტში გამართულ შეხვედრაზე დაფიქსირდა.