მსოფლიო

უკრაინის იუსტიციის მინისტრი მიხეილ სააკაშვილს სასამართლოში უჩივლებს

უკრაინის იუსტიციის მინისტრი, პაველ პეტრენკო, ოდესის ყოფილ გუბენრატორს მიხეილ სააკაშვილს პატივისა და ღირსების შელახვისთვის სასამართლოში უჩივლებს.

ამის შესახებ უკრაინული გამოცემა Сегодня წერს.

„მივიღე გადაწყვეტილება ვუჩივლო, ყველა იმ განცხადების გამო, რომელიც აღნიშნულმა მოქალაქემ ჩემს პატივისა და ღირსებასთან დაკავშირებით გააკეთა“,-განაცხადა პეტრენკომ.

მინისტრმა ხაზი გაუსვა, რომ არავის აქვს უფლება „მოიტყუოს, უცენზურო სიტყვები გამოიყენოს, და პოპულიზმამდე დაეშვას“.

დღეს, უკრაინის იუსტიციის სამინისტროსთან სააკაშვილის მომხრეები შეიკრიბდნენ. მათი მოთხოვნა იყო, რომ პაველ პეტრენკოს უწყებამ მიხეილ სააკაშვილის ახალი პოლიტიკური პარტია დაარეგისტრიროს.

იუსტიციის სამინისტროს შენობასთან აქციის მონაწილეებსა და უკრაინის ეროვნული გვარდიის წევრებს შორის დაპირისპირება იმ დროს მოხდა, როდესაც მომიტინგეებმა შენობაში შესვლა სცადეს.

მონიკა დავლიანიძე