მსოფლიო

უკრაინის უმაღლეს რადასთან სპეცნაზსა და აქტივისტებს შორის შეტაკება მოხდა

დღეს კიევში, უმაღლეს რადასთან სპეცდანიშნულების რაზმსა და საპროტესტო აქციის მონაწილეებს შორის შეტაკება მოხდა. ამის შესახებ უკრაინის 24-ე არხი იუწყება.

აქციის მონაწილეთა ინფორმაციით, ძალოვნებმა სცემეს და მათ წინააღმდეგ ცრემლსადენი გაზი გამოიყენეს.

პოლიციის მონაცემებით, დაკავებულია 11 აქტივისტი.

შეგახსენებთ, მეორე დღეა, უკრაინის უმაღლეს რადასთან საპროტესტო აქციები გრძელდება ლოზუნგით „დიდი პოლიტიკური რეფორმა“. აქტივისტებმა პროტესტის ნიშნად გრუშევსკის ქუჩაზე კარვები გაშალეს. მათი თქმით, ისინი იქამდე არ დატოვებენ ტერიტორიას, სანამ მთავრობა სამ პირობას არ შეასრულებს. აქტივისტების მოთხოვნებში შედის: არჩევნების შესახებ ახალი კანონის მიღება, ანტიკორუფციული სასამართლოს შექმნა და ხელშეუხებლობის მოხსნა დეპუტატებისგან.