უკან
უახლესი ამბები
- 25.04.2024 11:11ჩვენ არ გვინდა ევროპა ქრისტიანობის გარეშე, ევროპა, სადაც სქესი არჩევითია, გვინდა ევროპა, რომელმაც იცის სუვერენიტეტის, იდენტობის, დემოკრატიის, ღირსებისა და ქრისტიანული მორალის ფასი - „ხალხის ძალა“
- 25.04.2024 10:43ჯგუფურად კომერციული მოსყიდვის ფაქტზე ერთი პირი დააკავეს, ხოლო ერთი ამხილეს
არქივი
მსოფლიო
28 თებერვალი, 2022 11:16
წუხელ რუსეთის ძალები კიევის თავდაცვის გარღვევას კვლავ ცდილობდნენ - უკრაინული მედია
28 თებერვლის ღამეს რუსეთის ძალები კიევის თავდაცვის გარღვევას კვლავ ცდილობდნენ, თუმცა წარუმატებლად. ამის შესახებ უკრაინული მედია, უკრაინის შეიარაღებული ძალების სახმელეთო ჯარების მეთაურზე, ალექსანდრ სირსკიზე დაყრდნობით იუწყება.
„რუსეთის საოკუპაციო ძალების ყველა მცდელობა, მიეღწიათ მიზნისთვის, წარუმატებლობით სრულდებოდა. ოკუპანტის ტექნიკის კოლონები ნადგურდებოდა. მოწინააღმდეგემ პირადი შემადგენლობის მნიშვნელოვანი დანაკარგი განიცადა“, – განაცხადა სირსკიმ.
როგორც სამხედრო მაღალჩინოსანმა აღნიშნა, რუსეთის ძალების კოლონებმა დედაქალაქის შემოგარენის შტურმი რამდენჯერმე სცადეს. თუმცა, მისი თქმით, მოწინააღმდეგის ყველა გადაადგილება კონტროლის ქვეშ იყო.
კიევის თავდაცვის მეთაურის თქმით, უკრაინის დედაქალაქში ამჟამად სიტუაცია კონტროლირებადია.