უკან

უახლესი ამბები

დღის კალენდარი

ანონსები

არქივი

საზოგადოება

31 მარტი, 2017 18:50
font-size

„უმაღლესი განათლების შესახებ` კანონში ცვლილებები შედის

„უმაღლესი განათლების შესახებ" კანონში ცვლილებები შედის, რომლითაც უმაღლესი საგანმანათლებლო დაწესებულებებისა და ძირითადი საგანმანათლებლო ერთეულების მართვის ორგანოების საქმიანობაში სტუდენტთა ჩართულობის სისტემა დაიხვეწება.

კანონპროექტი დღეს განათლების, მეცნიერებისა და კულტურის კომიტეტის სხდომაზე პირველი მოსმენით განიხილეს.

„კანონპროექტი 3 თვეზე მეტია მუშავდებოდა, მე მქონდა ძალიან ინტენსიური შეხვედრები სხვადასხვა უნივერსიტეტების სტუდენტურ თვითმმართველობებთან, აუდიტორია 115-თან. კანონპროექტი პრინციპების დონეზე არის შეჯერებული 7 სხვადასხვა კეძო და სახელმწიფო უნივერსიტეტის თვითმმართველობებთან და სტუდენტური ორგანიზაციების წარმომადგენლებთან“, - განაცხადა კომიტეტის თავმდჯომარემ, მარიამ ჯაშმა.

მისი თქმით, კანონრპოექტი ითვალისწინებს ცვლილებათა 4 ძირითად ბლოკს:

პირველი ბლოკის მიზანია ყველა სტუდენტს მიენიჭოს უფლება პირდაპირი წესით იქნეს არჩეული არა მხოლოდ უმაღლესი საგანმანათლებლო დაწესებულებების წარმომადგენლობით საბჭოში - სენატში, არამედ ძირითადი საგანმანათლებლო ერთეულის - ფაკულტატურ საბჭოშიც.

მეორე ბლოკის მიხედვით, უმაღლესი განათლების თითოეული საფეხურის ყველა სტუდენტს - ბაკალავრიატის, მაგისტრატურისა და დოქტორანტურის - მიეცემა უფლება არჩეული იყოს უმაღლესი საგანმანათლებლო დაწესებულების წარმომადგენლობით საბჭოში (სენატში) და ძირითადი საგანმანათლებლო ერთეულის (ფაკულტეტის) საბჭოში პროპორციული გადანაწილების წესით (მაგრამ არანაკლებ ერთი წარმომადგენლისა).

მესამე ბლოკის მიხედვით, ყველა სტუდენტს მიენიჭება უფლება თანაბარი წვდომა ჰქონდეს უმაღლესი საგანმანათლებლო დაწესებულების მატერიალურ და ტექნიკურ რესურსებზე ინდივიდუალური ან/და ერთობლივი სტუდენტური ინიციატივების განხორციელების მიზნით.

მეოთხე ბლოკით სტუდენტთა მთავარი წარმომადგენლობითი გაერთიანებების ალტერნატივების ზოგადი დეფინიციები, მიზნები და არჩევის წესი, რომელთა დეტალური განსაზღვრა უმაღლესი საგანმანათლებლო დაწესებულების დონეზე უნდა მოხდეს.

მარიამ ჯაშის განცხადებით, კანონპროექტის შემუშავების პროცესში განხილული იქნა 20 ქვეყნის მასშტაბით მოქმედი ეროვნული და მუნიციპალური კანონმდებლობებისა და უმაღლესი საგანმანათლებლო დაწესებულებების დონეზე მოქმედი რეგულაციები. მარიამ ჯაშმა მადლობა გადაუხადა იმ სტუდენტური ორგანიზაციების წარმომადგენლებს, რომლებიც კონსტრუქციულად იყვნენ ჩართული კანონპროექტის შემუშავების პროცესში. „ამ ცვლილებების შემდეგ, სტუდენტებთან ჩვენი აქტიური თანამშრომლობა არ სრულდება. პირიქით, მე ვთხოვე თითოეული სტუდენტური თვითმმართველობის წარმომადგენელს, რომ უფრო აქტიურად იყოს ჩართული შინაარსობრივი ასპექტების განხილვაში უმაღლესი განათლების ხარისხთან დაკავშირებით, რომელიც ჩვენთვის შემდგომი ინიციატივების საფუძველი გახდება“, - აღნიშნა მარიამ ჯაშმა.

კომიტეტის წევრებმა ერთხმად დაუჭირეს მხარი კანონპროერქტის პლენარულ სხდომაზე გატანას.
სხდომაზე განიხილეს საკანონმდებლო წინადადება „არქიტექტურული, ქალაქთმშენებლობითი და სამშენებლო საქმიანობის შესახებ“ საქართველოს კანონის პროექტთან დაკავშირებით, რომელიც სამოქალაქო ინჟინერთა საზოგადოების პრეზიდენტმა, იური სვანიძემ წარმოადგინა.

კომიტეტმა მიზანშეწონილად მიიჩნია, რომ საკითხის აქტუალობიდან გამომდინარე, წინადადება განხილული იქნას მშენებლობის კოდექსის პროექტთან ერთად, რომლის შემუშავებაზეც ეკონომიკის სამინისტრო მუშაობს.

დღესვე განიხილეს სსიპ - ივანე ჯავახიშვილის სახელობის თბილისის სახელმწიფო უნივერისტეტის მიერ წარმოდგენილი საკანონმდებლო წინადადება „უმაღლესი განათლების შესახებ“ საქართველოს კანონში ცვლილების შეტანის თაობაზე“ საქართველოს კანონის პროექტთან დაკავშირებით.

ივანე ჯავახიშვილის სახელობის თბილისის სახელმწიფო უნივერისტეტის აკადემიური საბჭოს წევრის, ვასილ გონაშვილის განმარტებით, კანონპროექტით მოწესრიგდება აკადემიური საბჭოს წევრთა არჩევის ვადები. „ყველა წევრი აირჩევა თანაბარი ვადით - 4 წლის ვადით. ამით დაცული იქნება ყველა წევრს შორის თანასწორობა და გაუქმდება აკადემიური საბჭოს წევრთა ნაწილობრივი განახლების მექანიზმი“, - განაცხადა ვასილ გონაშვილმა.

კომიტეტმა მხარი დაუჭირა წარმოდგენილ წინადადებას.

კომიტეტმა განიხილა პროფესიული განათლებისა და კვალიფიციური კადრების მომზადების მუშაკთა და სტუდენტთა პროფესიული კავშირის მიერ წარმოდგენილი საკანონმდებლო წინადადება „პროფესიული განათლების შესახებ“ საქართველოს კანონში ცვლილების შეტანის თაობაზე.

პროფესიული კავშირის თავმჯდომარის, დენის დავითაშვილის განმარტებით, საკანონმდებლო წინადადებით მოიხსნება საჯარო საგანმანათლებლო დაწესებულების დირექტორებისათვის ასაკობრივი შეზღუდვა. „პროფესიული საგანმანათლებლო დაწესებულების დირექტორებისათვის აღნიშნულ თანამდებობაზე 65 წლის მიღწევის შემდგომ შესაძლებელი იქნება მუშაობის გაგრძელება. არსებული ნორმით, პროფესიული სასწავლო დაწესებულების ხელმძღვანელებს არ ეძლევათ საშუალება 65 წლის ასაკის მიღწევის შემდეგ დაიკავონ დაწესებულების ხელმძღვანელი თანამდებობა და შეასრულონ თავიანთი უფლებამოსილება პროფესიულ განათლებაში რეფორმის განსახორციელებლად“, - განაცხადა დენის დავითაშვილმა.

სხდომაზე აღინიშნა, რომ განათლებისა და მეცნიერების სამინისტრო მუშაობს „პროფესიული განათლების შესახებ“ კანონპროექტზე, რომელიც პარლამენტში მიმდინარე წელს იქნება წარმოდგენილი, რომლის განხილვისას, მხედველობაში მიიღება შემოთავაზებული საკანონმდებლო წინადადება. კომიტეტმა ერთხმად დაუჭირა მხარი საკანონმდებლო წინადადებას.

ნინო ექვთიმიშვილი

განათლების საერთაშორისო ცენტრის კურსდამთავრებულთა ასოციაციის კარიერული ფორუმი გაიმართა

7 დეკემბერი, 2019 , 13:20

მულტიფუნქციურ სივრცეში ,,ტერმინალი’’, „განათლების საერთაშორისო ცენტრის კურსდამთავრებულთა ასოციაციის“ ორგანიზებით კარიერული ფორუმი გაიმართა, - ამის შესახებ „მედიანიუსს“ განათლების, მეცნ

ტურიზმის ეროვნული დაჯილდოების მეხუთე საიუბილეო ცერემონია გაიმართა

7 დეკემბერი, 2019 , 11:15

ეკონომიკისა და მდგრადი განვითარების სამინისტროს ტურიზმის ეროვნული ადმინისტრაციის მხარდაჭერით Welcome to Georgia! ტურიზმის ეროვნული დაჯილდოების მეხუთე საიუბილეო ცერემონია გაიმართა. ღონისძიების მონაწილეებს სიტყვით მიმართა

მიხეილ ჩხენკელმა საქართველოში საბერძნეთის ელჩთან გაცნობითი ხასიათის შეხვედრა გამართა

7 დეკემბერი, 2019 , 11:10

საქართველოს განათლების, მეცნიერების, კულტურისა და სპორტის მინისტრმა მიხეილ ჩხენკელმა საქართველოში საბერძნეთის ელჩთან დიმიტრიოს კარაბალისთან გაცნობითი ხასიათის შეხვედრა გამართა. ამის შესახებ „მედიანიუსს“ განათ

ევროპის საბჭოს მინისტრთა კომიტეტმა ე.წ. დეპორტირებულების საქმეზე გადაწყვეტილება მიიღო და რუსეთს კომპენსაციის დაუყოვნებლივ გადახდისკენ კვლავ მოუწოდა

6 დეკემბერი, 2019 , 18:38

ევროპის საბჭოს მინისტრთა კომიტეტმა 2019 წლის 3-5 დეკემბერს საქართველოს მოთხოვნით ე.წ. დეპორტირებულების საქმის აღსრულების პროცესი განმეორებით შეაფასა. 2019 წლის სექტემბრის სხდომის მსგავსად, კომიტეტმა გაიზიარა საქართველოს

ბავშვთა ქალაქ „მზიურში“ სარეაბილიტაციო სამუშაოები გრძელდება

6 დეკემბერი, 2019 , 17:30

თბილისის მერი კახა კალაძე, რეგიონული განვითარებისა და ინფრასტრუქტურის მინისტრ მაია ცქიტიშვილთან ერთად, ბავშვთა ქალაქ „მზიურში“ მიმდინარე სარეაბილიტაციო სამუშაოებს გაეცნო. პროექტი ჭაბუა ამირეჯიბის გზატკეცილის

პრეზიდენტს სლოვაკეთის ელჩმა და 8 ქვეყნის არარეზიდენტმა ელჩმა რწმუნებათა სიგელები გადასცეს

6 დეკემბერი, 2019 , 17:05

დღეს საქართველოს პრეზიდენტის სასახლეში ელჩების მიერ რწმუნებათა სიგელების გადაცემის ცერემონია გაიმართა. საქართველოს პრეზიდენტის პრესსამსახურიდან ცნობით, სალომე ზურაბიშვილს სლოვაკეთის ელჩმა პაველ ვიზდალმა და 8 ქვეყნის არარ

პირდაპირი TV

daily calendar

ვიდეო გალერეა

ზაზა ოქუაშვილის პირდაპირი ჩართვა გადაცემაში `რეაქცია`