უახლესი ამბები
- 19.04.2024 17:25ქოცებო, თქვე ნაცებო შეწყვიტეთ ეს მორიგი უსუსური გადაწყვეტილება, რომელიც 26 ოქტომბერს საპარლამენტო არჩევნებში თქვენი მარცხის შიშს ეფუძნება - „გახარია საქართველოსთვის“
- 19.04.2024 17:15ნარკოტიკული საშუალებების გასაღებასა და უკანონო შემოსავლის ლეგალიზაციაში 3 ბრალდებულს უვადო, ხოლო 2 ბრალდებულს 19 და 18 წლით თავისუფლების აღკვეთა მიესაჯათ
არქივი
საზოგადოება
უმჯობესია მიწების უცხოელებზე იჯარით გაცემა და არა მისი შეუზღუდავად გასხვისება - აფბა
„ახალგაზრდა ფინანსისტთა და ბიზნესმენთა ასოციაცია - აფბა“ ეხმიანება საპარლამენტო უმრავლესობის მიერ ინიცირებულ კანონპროექტს, რომლის მიხედვითაც უცხო ქვეყნის მოქალაქეებისთვის საქართველოში მიწის გადაცემის საკითხი დარეგულირდება.
აღნიშნულთან დაკავშირებით ორგანიზაციის ანალიტიკოსებმა, ბაჩანა ჯინჭარაძემ და ლევან ლაგვილავამ დღეს გამართულ ბრიფინგზე ისაუბრეს.
მათი განცხადებით, კანონპროექტის მიხედვით განსაზღვრულია მთელი რიგი კრიტერიუმები, რომლის დაკმაყოფილებაც უწევს უცხოელს, იმ შემთხვევაში თუ ის ქართული მიწის შესყიდვით დაინტერესდება.
,,ამ კუთხით საპარლამენტო უმრაველობის ინიციატივა მისასალმებელია, რადგან ის ეფუძნება ერთი მხრივ წარმატებულ ევროპულ გამოცდილებას, ხოლო მეორე მხრივ მოსახლეობის აბსოლუტური უმრავლესობის ნებას, ასევე ითვალისწინებს იმ საფრთხეებს, რაც უფრო მდიდარი ქვეყნების მოქალაქეთა მიერ იაფი ქართული მიწების მასობრივ შესყიდვას ახლავს თან.
მიწის უცხოელებზე გასხვისების საკითხში მნიშვნელოვანია, რომ სახელმწიფომ მკაცრი და ხისტი პოლიტიკა შეინარჩუნოს, რაც პირველ რიგში გამოიხატება სასოფლო სამეურნეო სავარგულების ფონდის რაციონალურ გამოყენებაში და მისი უცხოელებისთვის მკაფიო და დროის კონკრეტულ პერიოდზე გათვლილი საინვესტიციო ვალდებულებების დაკისრებაში.
კერძოდ, კანონპროექტში ვკითხულობთ, რომ უცხოელის მიერ საქართველოში რეგისტრირებული იურიდიული პირი, არანაკლებ 5 წლის განმავლობაში უნდა სარგებლობდეს მიწის ნაკვეთით და უნდა წარმოადგინოს ამის დამადასტურებელი ხელშეკრულება, ასევე ცნობა შემოსავლების სამსახურიდან, რომელიც დაადასტურებს ქონების გადასახადის ფაქტს, თუ მას სურს საქართველოში მიწის საკუთრების უფლების მოპოვება. ამასთან, მას უნდა გააჩნდეს შესაბამისი საინვესტიციო გეგმა, რომელშიც აღწერილი იქნება ის ინტერესები, თუ რა დანიშნულებით მოხდება მის მიერ შეძენილი მიწის გამოყენება. აგრეთვე მტკიცებულება იმის დასადასტურებლად, რომ განმცხადებელი ნამდვილად ფლობს საინვესტიციო გეგმის მიხედვით განსახორციელებელი კაპიტალდაბანდების მოცულობის შესაბამის მატერიალურ რესურსებს.
თუ გავითვალისწინებთ იმ გარემოებას, რომ ევროპულ ქვეყნებში, მიწების უცხოელებზე გასხვისების გაცილებით მკაცრი პრაქტიკა არსებობს, უმრავლესობის მიერ ინიცირებული საკანონმდებლო ინიციატივა შეიძლება ითქვას, რომ შედარებით ლოიალურია. კერძოდ, სასურველია, რომ საინვესტიციო ვალდებულებაში ისეთი კომპონენტები ჩაიდოს, როგორებიც არის მაგალითად ადგილობრივი მოსახლეობის გარკვეული რაოდენობის დასაქმება. მნიშვნელოვანია ასევე სასოფლო სამეურნეო დანიშნულების მიწების ლიმიტირებული ფონდის შექმნა, რომლის გასხვისებაც იქნება შესაძლებელი უცხოურ იურიდიულ, ასევე ფიზიკურ პირებზე’’, - აცხადებენ ასოციაციის წარმომადგენლები.
„აფბაში“ მიიჩნევენ, რომ დაუშვებელია მიწების უცხოელებზე შეუზღუდავად გასხვისება, თუმცა შესაძლებელია ხანგრძლივი იჯარით გადაცემა, ზემოაღნიშნული საინვესტიციო ვალდებულებების დაკისრებით.
,,აღნიშნული არ არის კავშირში ინვესტიციების შემოდინების შეფერხებასთან, ვინაიდან, მიწების უცხოელებზე გასხვისებასთან დაკავშირებით გამოცხადებული მორატორიუმის შემდეგ ვხედავთ, რომ პირდაპირი უცხოური ინვესტიციების ზრდის დინამიკა სტაბილურად შენარჩუნებულია. 2013-16 წლებში საშუალოდ, ყოველწლიურად მილიარდ 477 მილიონი აშშ დოლარის ინვესტიცია შემოვიდა ქვეყანაში, რაც გასულ პერიოდთან შედარებით, მკვეთრად გაუმჯობესებული მაჩვენებელია’’, - აცხადებენ ,,აფბას’’ წარმომადგენლები.