მოზაიკა
უმეტეს რაიონში დღეს მცირე ნალექს ელიან
სინოპტიკოსები 24 ოქტომბრისთვის საქართველოს უმეტეს რაიონში ხანმოკლე წვიმას პროგნოზირებენ.
გარემოს ეროვნული სააგენტოს ინფორმაციით, ხვალ დასავლეთ საქართველოს უმეტეს რაიონში დღის მეორე ნახევრიდან ხანმოკლე წვიმაა მოსალოდნელი, ზოგან შესაძლებელია ელჭექი. იქროლებს ცვალებადი მიმართულების ქარი 10-15 მეტრი/წამში. ჰაერის მოსალოდნელი ტემპერატურაა: დაბლობში +22, +27; მთაში +16, +21; მაღალ მთაში +9, +14 გრადუსი.
აღმოსავლეთ საქართველოს უმეტეს რაიონში დღის მე-2 ნახევრიდან ნავარაუდევია ხანმოკლე წვიმა, ზოგან შესაძლებელია ელჭექი. იქროლებს დასავლეთის ქარი 9-14 მეტრი/წამში. ჰაერის ტემპერატურა იქნება: დაბლობში +18, +23; მთაში +16, +21; მაღალ მთაში +7, +12 (ზოგან +17-მდე) გრადუსი.
თბილისში შესაძლებელია ხანმოკლე წვიმა ელჭექით. იქროლებს ჩრდილო-დასავლეთის ქარი 6-11 მეტრი/წამში. ჰაერის მაქსიმალური ტემპერატურა კი, დედაქალაქში +23 გრადუსი იქნება.