მოზაიკა

უმეტეს რაიონში დღეს ნალექს, ზოგან თოვას და ქარბურს ელიან

სინოპტიკოსები საქართველოში დღეისთვის ნალექიან ამინდს და ქარის გაძლიერებას პროგნოზირებენ.

გარემოს ეროვნული სააგენტოს ინფორმაციით, დასავლეთ საქართველოს უმეტეს რაიონში წვიმაა მოსალოდნელი, მაღალ მთაში კი, თოვა. იქროლებს დასავლეთის ქარი ქარი 10-15 მეტრი/წამში, ზოგან ძლიერი 17-22 მეტრი/წამში. ჰაერის მოსალოდნელი ტემპერატურაა: დაბლობში +10, +15; მთაში +5, +10; მაღალ მთაში 0, +5 გრადუსი.

აღმოსავლეთ საქართველოს უმეტეს რაიონში დღის პირველ ნახევარში ნავარაუდევია წვიმა, ზოგიერთ მაღალმთიან რაიონში თოვლი და ქარბუქი. იქროლებს დასავლეთის ქარი 10-15 მეტრი/წამში, ზოგან ძლიერი 17-22 მეტრი/წამში. ჰაერის ტემპერატურა იქნება: დაბლობში +9, +14; მთაში +3, +8; მაღალ მთაში 0, +5 გრადუსი.

თბილისში უმეტესად ღრუბლიანი ამინდი, დღის პირველ ნახევარში წვიმაა მოსალოდნელი. იქროლებს ჩრდილო-დასავლეთის ქარი 10-15 მეტრი/წამში, ზოგან ძლიერი 17-22 მეტრი/წამში. ჰაერის მაქსიმალური ტემპერატურა კი, დედაქალაქში +12 გრადუსი იქნება.