პოლიტიკა
უმრავლესობის ლიდერების მხრიდან ულტიმატუმი კატეგორიულად მიუღებელია - ოპოზიციური პარტიები
ოპოზიციური პარტიები აცხადებენ, რომ უმრავლესობის ლიდერების მხრიდან ულტიმატუმი, რომელიც საკონსტიტუციო რეფორმასთან დაკავშირებით დიალოგის დაწყებას ეხება, კატეგორიულად მიუღებელია.
,,როგორც ცნობილია რამდენიმე დღის წინ 13 ოპოზიციურმა პარტიამ მიმართა ხელისუფლებას წინადადებით დაწყებულიყო დიალოგი კონსტიტუციური რეფორმის შესახებ წინაპირობების გარეშე.
19 ივლისს უმრავლესობის ლიდერებმა (ბესელია, ვოლსკი, თალაკვაძე) განაცხადეს, რომ შეუძლებელია ამ ეტაპზე დიალოგის შედეგად რაიმე არსებითი ცვლილებების შეტანა პროექტში, საეროდ გამორიცხულია შეთანხმება საარჩევნო სისტემაზე და განხილვის თემა შეიძლება გახდეს მხოლოდ საარჩევნო ბლოკებთან დაკავშირებული ერთჯერადი ტექნიკური სკითხები.
რეალურად ეს განცხადებები წარმოადგენს ულტიმატუმს ოპოზიციის მიმართ და არანაირად არ შეესაბამება პრემიერ-მინისტრის მიერ ადრე გაკეთებულ განცხადებების შინაარსს და ტონალობას.
მოვუწოდებთ მთავრობის ხელმძღვანელს გაემიჯნოს უმრავლესობის წევრების დესტრუქციულ განცხადებებს და მოლაპარაკებები დაიწყოს ყველა პრინციპულ საკითხზე, მ.შ: იმ საკითხებზე რომელზეც თავისი შენიშნები გამოთქვა ვენეციის კომისიამ - ყოველგვარი წინაპირობების და ულტიმატუმების გარეშე.
წინააღმდეგ შემთხვევაში ხელისუფლებისა და ოპოზიციის კონსულტაციები ყოველგვარ აზრს კარგავს’’, - ნათქვამია ოპოზოციური პარტიების განცხადებაში.