უახლესი ამბები
- 18.04.2024 14:47პაატა კვიჟინაძე ოპოზიციას - ერთ პიროვნებაზე იძახდით, გარბის საქართველოდან, გაფრინდაო, ახლა ამბობთ, შემოდის და აქ აბანდებსო, გაერკვიეთ, რა გინდათ
- 18.04.2024 13:57ივანიშვილი იღებს ზომებს, სანქციების შემთხვევაში ფული საქართველოში გადაიტანოს - ევროპარლამენტარი
- 18.04.2024 13:06კარგი გულიანი ნაცემი ვარ - ალეკო ელისაშვილი
- 18.04.2024 11:40ირაკლი კობახიძე საქართველოში ევროკავშირის სადამკვირვებლო მისიის ხელმძღვანელს შეხვდა
არქივი
პოლიტიკა
უმრავლესობისთვის მნიშვნელოვანია არა შინაარსი, არამედ პრეზიდენტის პერსონა - გიორგი აბაშიშვილი უმრავლესობის წევრების განცხადებებზე ვეტოზე
პრეზიდენტის ადმინისტრაციის ხელმძღვანელი, გიორგი აბაშიშვილი გამოეხმაურა უმრავლესობის წარმომადგენლების განცხადებას, რომ ისინი „მაუწყებლობის შესახებ“ კანონპროექტზე გიორგი მარგველაშვილის მიერ დადებულ ვეტოს გადალახავენ.
აბაშიშვილის შეფასებით, პრეზიდენტის ადმინისტრაციის მიერ გაგზავნილ მოტივირებულ შენიშვნებს არ მოჰყვა შინაარსობრივი დისკუსია, სადაც იქნებოდა განხილული ვეტოს გამომწვევი საკითხები.
უმრავლესობის წევრების განცხადებები აბაშიშვილმა პრეზიდენტის წინააღმდეგ გაერთიანებული ბრძოლა უწოდა.
„მას შემდეგ, რაც საქართველოს პრეზიდენტის ადმინისტრაციისგან პარლამენტში მოტივირებული შენიშვნები გაიგზავნა, მოლოდინი გვქონდა, რომ შინაარსობრივი დისკუსია შედგებოდა, თუმცა ამის ნაცვლად, მთელი ამ დროის განმავლობაში ვნახეთ, რომ უმრავლესობის წევრები თითქოს ბრძოლის ველზე მიდიოდნენ და ერთმანეთს გასაოცარი ენთუზიაზმით უმტკიცებენ, რომ ეს ვეტო აუცილებლად დასაძლევი იყო არა იმიტომ, რომ გარკვეულ შინაარსობრივ საკითხებს არ ეთანხმებოდნენ ისინი, არამედ, რადგან ვეტო მარგველაშვილმა დაადო, მარგველაშვილის წინააღმდეგ საჭირო კიდევ ერთი გადამწყვეტი ბრძოლის წარმოება იყო.
კიდევ ერთხელ კვალიფიციური დისკუსია ვერ მივიღეთ, მაგრამ შესაშური ძალის დემონსტრირებას ვხედავთ, რაც საამაყოც კია, რადგან რაღაც მომენტში გაერთიანება შეუძლიათ. როგორც ჩანს, მარგველაშვილის წინააღმდეგ გაერთიანება გამოსდით. როგორც ყოველთვის, უმრავლესობისთვის მნიშვნელოვანია არა შინაარსი, არამედ პრეზიდენტის პერსონა და შემიძლია, ამის დამადასტურებელი მთელი რიგი მაგალითები გავიხსენო. პარლამენტში ჩემ მიერ გამოტანილი მოტივირებული შენიშვნები ეროვნულ ბანკს შეეხებოდა. მაშინ, მოტივირებული შენიშვნებით, თავიდან კიდევ ერთი სახელმწიფო ინსტიტუტის ნგრევა ავიცილეთ. პრეზიდენტი სახელმწიფო ინსტიტუტების ხარჯზე არავის არასოდეს გარიგებია და არ გაურიგდება“,- აღნიშნა აბაშიშვილმა.