უახლესი ამბები
- 23.04.2024 17:34კონტრაქცია ნიშნავს, რომ „ქართული ოცნების“ ბოლო ჟამია - სოფო ჯაფარიძე
არქივი
პოლიტიკა
უნდა დავაფიქსიროთ ის პრობლემები, რომელიც გვაქვს 14-წლამდე მოზარდებში დანაშაულის ზრდის კუთხით - გიორგი გახარია
შინაგან საქმეთა მინისტრის, გიორგი გახარიას განცხადებით, ბოლო პერიოდში არასრულწლოვნების მიერ ჩადენილი ძალადობის ფაქტებმა მანდატურის სამსახურისა და საპატრულო პოლიციას შორის თანამშრომლობის გაძლიერების საჭიროება დააყენა. ამის შესახებ მან დარგობრივი კომიტეტების გაერთიანებულ სხდომაზე ისაუბრა.
მან ასევე აღნიშნა, რომ 2010 წელს შექმნილი რეფერირების სისტემა არაეფექტურია და გარდაქმნას საჭიროებს.
„ბოლო ტრაგიკული შემთხვევების შემდგომ, ჩვენ საკმაოდ კონცენტრირებულად ვიმუშავეთ განათლების სამინისტროსთან ერთად ამ მიმართულებით და როგორც ჩანს, არის გარკვეული სტრუქტურული პრობლემები, რომლებზეც ერთად უნდა ვიმუშაოთ. ჩვენთვის აბსოლუტურად ნათელია, რომ ეფექტიანობის გაზრდის კუთხით რეფორმირებას საჭიროებს მანდატურის სამსახური. უნდა გაძლიერდეს კავშირი მანდატურის სამსახურსა და საპატრულო პოლიციას შორის. აბსოლუტურად ვერ მუშაობს ეფექტურად რეფერირების სისტემა. არადა, რეფერირების სისტემა არის ის კომპონენტი, რომელმაც უნდა იზრუნოს იმ არასრულწლოვნებზე, რომლებიც რესოციალიზაციაც არის საჭირო უმოკლეს ვადაში. 2010 წლის შემდეგ, როდესაც რეფერირების სისტემა შეიქმნა, ამ კომისიაში მხოლოდ 39 მიმართვა დაფიქსირებული და ისიც ნახევარი ოჯახის წევრების მიერ. შესაბამისად, სკოლა-პანსიონების სისტემა, რომელიც მოშლილია ქვეყანაში და ფუნქციონირებს მხოლოდ ერთი - სამტრედიაში, ეს კომპონენტიც განათლების სამინისტროსთან ერთად საჭიროებს რეფორმას“, -თქვა მინისტრმა.
მისი შეფასებით, პრობლემურია მოზარდებში ძალადობის გამოვლენის მომენტი.
„ის გამოწვევა, რომლის წინაშეც ბოლო კვირების განმავლობაში ჩვენი საზოგადოება აღმოჩნდა, ხაზგასმით დაგვანახა ის პრობლემა, რომელსაც დღეს ჩვენ შევხვდით და ეს არის არასწრულწლოვნებში ძალადობის გამოვლენის მომენტი. არასრულწლოვანთა მართლმსაჯულების კოდექსმა, რომელიც ამოქმედდა 2016 წლის 1-ელ იანვარს, გარკვეული შედეგები გამოიღო. რა თქმა უნდა, ხაზგასასმელია ისეთი შედეგები, როგორიც არის განრიდების პირობებში რეციდივის მხოლოდ 9%-ის შემთხვევები. უნდა დავაფიქსიროთ ის პრობლემები, რომელიც გვაქვს 14-წლამდე მოზარდებში დანაშაულის ზრდის კუთხით, განსაკუთრებით ისეთი დანაშაულის ზრდა, როგორიც არის ქურდობა“, -თქვა მინისტრმა.
ანა მებურიშვილი