უკან

უახლესი ამბები

დღის კალენდარი

ანონსები

არქივი

პოლიტიკა

2 სექტემბერი, 2017 13:10
font-size

უნდა მოვითხოვოთ ბიძინა ივანიშვილის მილიარდების დაყადაღება - შალვა ნათელაშვილი

„ლეიბორისტული პარტიის“ ლიდერმა შალვა ნათელაშვილმა საპარლამენტო უმრავლესობა საკონსტიტუციო პროექტზე მოლაპარაკებების შეწყვეტაში დაადანაშაულა.

ნათელაშვილის თქმით, კონსტიტუციის ახალი პროექტის მიღებით მოქალაქეების უფლებები შეიზღუდება და პოლიტიკური პროცესი მაჟორიტარი დეპუტატების ხელში გადავა.

ნათელაშვილმა მოუწოდა პოლიტიკურ პარტიებს, ერთობლივად მოითხოვონ მსოფლიო ფინანსური ორგანიზაციებისგან ქვეყნის ყოფილი პრემიერ-მინისტრის, ბიძინა ივანიშვილის ანგარიშების დაბლოკვა.

„მმართველმა ძალამ უარი თქვა, მიეღო ქვეყნის მთავარი კანონი ფართო კონსულტაციების გზით და პრაქტიკულად შეუდგა ანტიკონსტიტუციურ სახელმწიფო გადატრიალებას, რის შემდეგაც ქართველ ხალხს ერთმევა უფლება, აირჩიოს სახელმწიფოს მეთაური - პრეზიდენტი, ხოლო ჩვენი ბედი ყაჩაღი მაჟორიტარების ხელში იქნება. ამ საუკუნეში ასეთი დიდი საფრთხე ჩვენი ქვეყნის თავისუფლებასა და დამოუკიდებლობას , ჩვენი ხალხის ძირითად უფლებებს არ დამუქრებია. საჭიროა სწრაფი და გონივრული ჩამკეტი მოქმედებები პოლიტიკური ძალებისგან. მე მოვუწოდებ ყველა პოლიტიკურ პარტიას, ხელი მოვაწეროთ ერთობლივ მიმართვას მსოფლიო საფინანსო ორგანიზაციებისადმი, რათა დაიბლოკოს , დაყადაღდეს ბიძინა ივანიშვილის მილიარდები. ეს წელში გადაამტრევს დანაშაულებრივ რეჟიმს“, - თქვა ნათელაშვილმა ბრიფინგზე.

მან ასევე თანამდებობის დატოვებისკენ მოუწოდა ქვეყნის პრეზიდენტს. ნათელაშვილის აზრით, ეს შეაფერხებს კონსტიტუციის მიღების პროცესს.

„მე მოვუწოდებ საქართველოს პრეზიდენტს, ბატონ გიორგი მარგველაშვილს დაუყოვნებლივ გამოაცხადოს გადადგომა. ეს მთლიანად ჩაშლის დაწყებულ ანტიკონსტიტუციურ გადატრიალებას და მისი სახელი შევა ოქროს ასოებით ისტორიაში“, - თქვა „ლეიბორისტების“ ლიდერმა.

ნათელაშვილის განცხადებით, პოლიტიკურმა პარტიებმა მასობრივი საპროტესტო აქციები უნდა დაიწყონ, რომლებიც ხელისუფლების გადადგომამდე გაგრძელდება.

„მე მოვუწოდებ ყველა პოლიტიკურ პარტიას, დავიწყოთ კონსულტაციები ხალხის მასობრივად ქუჩაში გამოსაყვანად და არ დავიშალოთ მანამ, სანამ რეჟიმი არ შეწყვეტს თავის არსებობას. სხვა შემთხევვაში , ჩემო ძვირფასო მეგობრებო, ოლიგარქია დაგვიმზადებს ივანიშვილების დინასტიას, ხოლო ივანიშვილი იქნება ფარული მეფე, რომლის ბატონობა გაგრძელდება არა მარტო მის სიცოცხლეში , არამედ მისი წასვლის შემდეგაც შვილებისა და შვილიშვილების მიერ, რადგანაც ეს მილიარდები არსად არ მიდის. მილიარდებს მილიარდები ემატება და ყაჩაღი მაჟორიტარ -ბანკირების ჯგუფი ყოველთვის შეარჩევს თავის სასურველ კანდიდატს ქვეყნის პრეზიდენტად და ხალხს არასდროს არ მისცემს უფლებას, აირჩიოს სასურველი პოლიტიკური ძალა , პოლიტიკური ლიდერი და ფიგურა თავისი ქვეყნის მეთაურად, რის გამოც ჩვენ ვკარგავთ დამოუკიდებლობას“, - განაცხადა ნათელაშვილმა.

გუშინ მმართველმა გუნდმა უარი თქვა სტრასბურგში დაგეგმილ შეხვედრაზე მონაწილეობის მიღებაზე. საპარლამენტო უმრავლესობამ შეხვედრის ჩაშლაში ოპოზიცია დაადანაშაულა. მმართველი გუნდის გადაწყვეტილებით, საკონსტიტუციო პროექტი საშემოდგომო სესიაზე, მესამე მოსმენით იქნება დამტკიცებული.

შეგახსენებთ, ვენეციის კომისიის თავმჯდომარემ ჯანი ბუკიკიომ ქართულ ოპოზიციურ პარტიებსა და მმართველ გუნდს 6 სექტემბერს, სტრასბურგში დაპატიჟა საკონსტიტუციო ცვლილებებზე სამსჯელოდ. ბუკიკიოს განცხადებით კი ეს შეხვედრა გაუქმდა.

ანა მებურიშვილი

სალომე ზურაბიშვილმა ნატო-ს გენერალურ მდივანთან საქართველოს ევროატლანტიკურ სტრუქტურებში ინტეგრაციის საკითხი განიხილა

18 მარტი, 2024 , 18:29

საქართველოს პრეზიდენტმა, სალომე ზურაბიშვილმა ნატო-ს გენერალურ მდივანს, იენს სტოლტენბერგს ორბელიანების სასახლეში უმასპინძლა და საქართველოს ევროპულ და ევროატლანტიკურ სტრუქტურებში ინტეგრაციის პროცესსა და მიღწეული პროგრესის

იენს სტოლტენბერგი სალომე ზურაბიშვილს შეხვდა

18 მარტი, 2024 , 18:24

დღეს, 18 მარტს, ნატო-ს გენერალური მდივანი იენს სტოლტენბერგი საქართველოს პრეზიდენტს, სალომე ზურაბიშვილს ორბელიანების სასახლეში შეხვდა.  პირისპირ შეხვედრის შემდეგ, მხარეებმა აუდიენცია გაფართოებული შემადგენლობით გამართ

პარლამენტი მიმდინარე კვირას პრეზიდენტის მიერ წარდგენილ მოტივირებულ შენიშვნებზე იმსჯელებს

18 მარტი, 2024 , 17:13

პარლამენტის ბიურომ 19-22 მარტის პლენარული სხდომების დღის წესრიგი განსაზღვრა. როგორც პარლამენტის თავმჯდომარე შალვა პაპუაშვილმა განმარტა, 19 მარტს, სხდომაზე პარლამენტის წევრები დღის წესრიგით გათვალისწინებულ კანონ

იურიდიულ საკითხთა კომიტეტმა „საარჩევნო კოდექსში“ განხორციელებულ ცვლილებასთან დაკავშირებით პრეზიდენტის მოტივირებულ შენიშვნებს მხარი არ დაუჭირა

18 მარტი, 2024 , 17:04

იურიდიულ საკითხთა კომიტეტმა, მიმდინარე წლის 20 თებერვალს პარლამენტის მიერ „საარჩევნო კოდექსში“ შეტანილ ცვლილებასთან დაკავშირებით პრეზიდენტის მოტივირებული შენიშვნები განიხილა და მხარი არ დაუჭირა. მოტივირებული

ირაკლი კობახიძე ნატო-ს გენერალურ მდივანს, იენს სტოლტენბერგს შეხვდა

18 მარტი, 2024 , 15:48

მთავრობის ადმინისტრაციაში გამართულ შეხვედრაზე საუბარი შეეხო საქართველოს ევროატლანტიკურ ინტეგრაციას, ნატო-საქართველოს ურთიერთობების დღის წესრიგსა და სამომავლო თანამშრომლობის პერსპექტივებს. აღინიშნა, რომ ნატო-ში ინტეგრაცია

საქართველოში იენს სტოლტენბერგის ვიზიტი დაიწყო

18 მარტი, 2024 , 15:04

საქართველოში ნატო-ს გენერალური მდივნის, იენს სტოლტენბერგის ვიზიტი დაიწყო. თვითმფრინავი თბილისის საერთაშორისო აეროპორტში რამდენიმე წუთის წინ დაეშვა. სტოლტენბერგი თბილისში აზერბაიჯანიდან ჩამოვიდა. იენს სტოლტენბერგს თბილისი

პირდაპირი TV

daily calendar

ვიდეო გალერეა

წითელი პარასკევი - დიდი პარასკევი