უკან

უახლესი ამბები

დღის კალენდარი

ანონსები

არქივი

კომენტარი

26 იანვარი, 2018 11:55
font-size

ურთიერთობების ნორმალიზაცია შესაძლებელია მიღწეულ იქნას რუსეთის მიერ საქართველოს ტერიტორიული მთლიანობის პატივისცემის ფარგლებში - მიხეილ დონდუა

საქართველოს საგარეო საქმეთა მინისტრის მოადგილის, დავით დონდუას განცხადებით, შემაშფოთებელია რუსეთის ფედერაციის საგარეო საქმეთა მინისტრის მოადგილის, გრიგორი კარასინის შეფასებები, რომლითაც, დონდუას განცხადებით, იგი კიდევ ერთხელ უსვამს ხაზს რუსეთის პოლიტიკას, უგულებელყოს საქართველოს ტერიტორიული მთლიანობა და სუვერენიტეტი და თავი აარიდოს 2008 წლის 12 აგვისტოს ცეცხლის შეწყვეტის შეთანხმების შესრულებას.

„ამ გზით რუსეთის ფედერაცია აგრძელებს საქართველოს აფხაზეთისა და ცხინვალის რეგიონების სამხედრო ოკუპაციას, უკანონო მილიტარიზაციას, რითაც ახდენს ვითარების დესტაბილიზაციას მთელ რეგიონში, და უხეშად არღვევს ადგილობრივი მოსახლეობის ფუნდამენტურ უფლებებს.

კონფლიქტის მშვიდობიანი დარეგულირების მიზნით, საქართველოს მთავრობა დგამს კონსტრუქციულ ნაბიჯებს, როგორც ჟენევის საერთაშორისო მოლაპარაკებების, ასევე ორმხრივი არაფორმალური დიალოგის ფორმატში. საქართველო-რუსეთის ურთიერთობების ნორმალიზაცია, შესაძლებელია მიღწეულ იქნას რუსეთის ფედერაციის მიერ შემხვედრი კონსტრუქციული პოლიტიკისა და საქართველოს სუვერენიტეტისა და ტერიტორიული მთლიანობის პატივისცემის ფარგლებში. ჩვენ მოვუწოდებთ რუსეთის ფედერაციას, შეასრულოს 2008 წლის 12 აგვისტოს შეთანხმებით ნაკისრი საერთაშორისო ვალდებულებები და მოახდინოს საქართველოს სუვერენული ტერიტორიის დეოკუპაცია“,- აღნიშნავს დონდუა.

მისივე თქმით, ყოვლად მიუღებელია „საბაჟო ადმინისტრირებისა და სასაქონლო ვაჭრობის მონიტორინგის მექანიზმთან დაკავშირებული ძირითადი პრინციპების შესახებ“ საქართველო-რუსეთის 2011 წლის ხელშეკრულების დებულებების არასწორი ინტერპრეტირება, მისი პოლიტიზირება და იმპლემენტაციის ხელის შეშლა.

„რუსეთის ფედერაციის ვაჭრობის მსოფლიო ორგანიზაციაში გაწევრიანებით, მოსკოვმა იკისრა ვალდებულება უზრუნველეყო სავაჭრო მონაცემების გამჭვირვალობა, ტარიფებისა და ვაჭრობის შესახებ ზოგადი შეთანხმების შესაბამისად. საქართველოს მთავრობა და რუსეთის ფედერაციის მთავრობა 2011 წელს შეთანხმდნენ, დაეარსებინათ წინასწარ განსაზღვრულ სავაჭრო დერეფნებში საერთაშორისო ვაჭრობის მონიტორინგის მექანიზმი. შეთანხმების შესაბამისად, ამ ვაჭრობის კონტროლი და ადმინისტრირება უნდა განხორციელდეს ტერმინალებში, რომლებიც მდებარეობენ სავაჭრო დერეფნების გამოსასვლელში და შესასვლელში.

რაც შეეხება საქართველოს საბაჟო სივრცეს, იგი მოიცავს საქართველოს მთელ ტერიტორიას მისი საერთაშორისოდ აღიარებული საზღვრების ფარგლებში. ამასთან, აღნიშნული ტერმინალების ადგილმდებარეობა ვერანაირად ვერ განსაზღვრავს ქვეყნის საბაჟო სივრცეს.

საქართველომ არაერთხელ მკაფიოდ გამოხატა ხელშეკრულების იმპლემენტაციის დაწყების მზაობა, რაც კიდევ ერთხელ ნათლად დადასტურდა 2017 წლის 19 დეკემბერს შვეიცარიულ კომპანია Societe Generale de Surveillance-თან სათანადო კონტრაქტის გაფორმებით. თუმცა დღემდე ვერ მოხერხდა 2011 წლის შეთანხმებით განსაზღვრული საერთაშორისო ვალდებულებების შესრულების დაწყება, ვინაიდან რუსეთის მხარე აჭიანურებს შესაბამისი კონტრაქტის ხელმოწერას შვეიცარულ კომპანიასთან, ახდენს საკითხის აშკარა პოლიტიზირებასდა შეთანხმების დებულებების მიზანმიმართული არასწორი ინტერპრეტაციით აფერხებს იმპლემენტაციის პროცესის დაწყებას“,- აცხადებს დონდუა.

საქართველოს საგარეო საქმეთა სამინისტრო მოუწოდებს რუსეთის მხარეს, შეწყვიტოს საკითხის პოლიტიზირება და შეუდგეს თავისი საერთაშორისო ვალდებულებების უპირობო შესრულებას, საერთაშორისო შეთანხმებისა და ვაჭრობის მსოფლიო ორგანიზაციის მიზნების, პრინციპებისა და ნორმების სრული შესაბამისობით.

,,ოცნებამ` სრული ჯოჯოხეთი მოაწყო პარტიის შიგნით - გიგი უგულავა

17 მაისი, 2021 , 14:00

გიგი უგულავა ზუგდიდის მერის თანამდებობიდან გადადგომის ფაქტს ეხმიანება და აღნიშნავს, რომ ,,ოცნება" პარტიის შიგნით წმენდას ახორციელებს. ოპოზიციონერი პოლიტიკოსი აცხადებს, რომ გეგა შენგელიას 4 თვეში ვადა ისედაც ეწურებოდა. &b

ვპირდები კობახიძეს, მივიღებთ გადაწყვეტილებას, რომელიც არ უნდა მას, რომ ჩვენ მივიღოთ - ხატია დეკანოიძე

14 მაისი, 2021 , 18:11

„დიდი ხანია ადეკვატურობა დაკარგა ბატონი კობახიძის განცხადებებმა, მაგრამ ერთი რამ მინდა მას შევპირდე, "ნაციონალური მოძრაობა" მიიღებს იმ გადაწყვეტილებას, რომელიც არ უნდა კობახიძეს,“ - ასე უპასუხა „ნა

შეიძლება გაუმართლოს ირაკლი კობახიძეს და განცხადება, რომელიც გააკეთა, დაკმაყოფილდეს. დაგველოდოს, ბატონი ირაკლი - ნიკა მელია

14 მაისი, 2021 , 15:11

ირაკლი კობახიძეს შეიძლება გაუმართლოს და განცხადება, რომელიც გააკეთა, დაკმაყოფილდეს.  დაგველოდოს ბატონი ირაკლი, - ასე უპასუხა „ნაციონალური მოძრაობის“ თავმჯდომარემ, ნიკა მელიამ პარტია &bdquo

ყველა ჩვენს პარტნიორს, კოლეგას ვთხოვ, ერთმანეთს თავს ნუ დავესხმებით - ნიკა მელია

12 მაისი, 2021 , 19:57

„სალომე სამადაშვილმა თუ თქვა, პარტია დაიცალა ინტელექტისგანო, ეს რეალობისგან ძალიან შორს არის, მე მას აბსოლუტურად არ ვეთანხმები“, -აცხადებს „ნაციონალური მოძრაობის“ თავმჯდომარე ნიკა მელია. „ ძ

ცუდია, როცა პოლიტიკოსისგან მხოლოდ `ბროშკა` დარჩება - თაკო ჩარკვიანი სალომე სამადაშვილზე

12 მაისი, 2021 , 16:48

"ცუდია როცა პოლიტიკოსისგან მხოლოდ "ბროშკა" დარჩება" - ასე ეხმაურება სალომე სამადაშვილის განცხადებას საკუთარ ფეისბუკგვერდის მეშვეობით პარტია "კანონი და სამართლის" თავმჯდომარე თაკო ჩარკვიანი. საუბარია პარლამენტის წევრის სა

“საქართველო მკაცრად გმობს ძალადობას” - ზალკალიანი ისრაელისა და ღაზას დაპირისპირებაზე

12 მაისი, 2021 , 13:56

საგარეო საქმეთა მინისტრი, დავით ზალკალიანი ისრაელსა და ღაზას სექტორს შორის მიმდინარე კონფლიქტს ეხმაურება და წერს, რომ საქართველო ძალადობას გმობს. შესაბამის განცხადებას ის Twitter-ზე ავრცელებს. "საქართველოს მთავრობა ყურად