უკან

უახლესი ამბები

დღის კალენდარი

ანონსები

არქივი

საზოგადოება

13 თებერვალი, 2018 17:15
font-size

უსაფრთხო შრომის უზრუნველყოფის მოთხოვნის მიზნით პეტიციაზე ხელმოწერების შეგროვება დაიწყო

უსაფრთხო შრომის უზრუნველყოფის მოთხოვნით, საქართველოს პროფკავშირების გაერთიანებამ რუსთაველის მეტროსთან სააგიტაციო აქცია ,,გახადე შრომა უსაფრთხო'' გამართა.

პროფკავშირების გაერთიანებამ დაიწყო ხელმოწერების შეგროვება პეტიციისთვის, რომლის მთავარი მოთხოვნაც უსაფრთხო შრომის მარეგულირებელი კანონმდებლობისა და ქმედითი შრომის ინსპექციის შექმნაა. პეტიცია საქართველოს პარლამენტს, მთავრობასა და შრომის, ჯანმრთელობისა და სოციალური დაცვის სამინისტროს მას შემდეგ გაეგზავნება, რაც 10 000 ხელმოწერა შეგროვდება.

პროფკავშირებში აცხადებენ, რომ უკვე მეცხრე თვეა, რაც პარლამენტში ,,შრომის უსაფრთხოების შესახებ“ კანონპროექტზე მიმდინარეობს მუშაობა, რომელიც მიუხედავად იმისა, რომ დასაქმებულთა უსაფრთხოების მინიმალური სტანდარტების დაცვასაც ვერ უზრუნველყოფს - კვლავ აწყდება დაბრკოლებებს და მისი განხილვა დაუსაბუთებლად ჭიანურდება. ამ პერიოდის განმავლობაში პროექტი მუდმივ ცვლილებებს განიცდის - ბიზნეს ლობისტების ზეწოლით დასაქმებულთა უფლებების დაკნინების და გაუარესების მიმართულებით.

პეტიციაში წერია, რომ ამ ეტაპზე კვლავ არ არის გათვალისწინებული პროფკავშირების მიერ დაყენებული ისეთი მნიშვნელოვანი საკითხები როგორიცაა:

- „კანონის მოქმედების სფერო, რამდენადაც წარმოდგენილი დოკუმენტის მიხედვით იგი ვრცელდება მხოლოდ მძიმე, მავნე და საშიშ პირობიან სამუშაოზე და დასაქმებულთა ძირითადი ნაწილი კვლავ უსაფრთხო შრომის პირობებით უზრუნველყოფის გარეშე რჩება. მით უმეტეს, რომ პროექტი არ შეიცავს არანაირ დათქმას კონკრეტული ვადის შესახებ, როდესაც ის სრული მოცულობით უნდა გავრცელდეს ყველა დასაქმებულზე“

- „პროექტი ეხება მხოლოდ შრომის უსაფრთხოებას და ყოველგვარი რეგულირების გარეშე ტოვებს შრომის კანონმდებლობისა და შრომის უფლებების აღსრულების საკითხს“

- „შრომის ინსპექტორებს, ბევრ შემთხვევაში, კვლავ არა აქვთ უპირობო დაშვება სამუშაო ადგილებზე, იმ შემთხვევაშიც კი თუ შრომის უსაფრთხოების სტანდარტების დარღვევაზე მათ უშუალოდ მიმართავენ დასაქმებულები“

პროფკავშირების მონაცემებით, შრომის ინსპექციის გაუქმებიდან დღემდე, საქართველოს მასშტაბით საწარმოო უბედური შემთხვევის შედეგად გარდაცვლილია 450 მდე ადამიანი და დაშავებულია 800 ზე მეტი მუშა. უკონტროლოდ მიტოვებული დასაქმების სფერო დასაქმებულთა სასაკლაოდაა ქცეული.

პეტიციაშივე აღნიშნულია, რომ კანონპროექტი, რომლის განხილვასაც საპარლამენტო კომიტეტი უახლოეს დღეებში გეგმავს, კვლავ შეუსაბამოა შრომის საერთაშორისო სტანდარტებთან და არ თავაზობს ინსპექტირების რეალურად ეფექტურ მექანიზმს.

ცირა გურგენიძე

ჩიქოვანის ქუჩის რეაბილიტაცია დასრულდა

17 დეკემბერი, 2018 , 17:15

თბილისის მერიის ინფრასტრუქტურის განვითარების საქალაქო სამსახურმა საბურთალოს რაიონში, სიმონ ჩიქოვანის ქუჩის სარეაბილიტაციო სამუშაოები დაასრულა. თბილისის მერიის ინფორმაციით, დასრულებულ პროექტს დღეს დედაქალაქის მერი კახა კა

აფხაზეთის ომში გმირულად დაღუპული მეომრები ორდენებით და მედლებით დაჯილდოვდნენ

17 დეკემბერი, 2018 , 16:20

ვალერი არქანიას სახელობის არტ-გალერეაში აფხაზეთის ომში გმირულად დაღუპული 28 მეომრის ოჯახს სახელმწიფო ჯილდოები - ვახტანგ გორგასლის I, II, III ხარისხის ორდენები და მედლები - მხედრული მამაცობისთვის გადაეცა. აფხაზეთის ავტონო

ნაძალადევის რაიონში საგზაო ინფრასტრუქტურის მოწესრიგება გრძელდება

17 დეკემბერი, 2018 , 16:20

გურამიშვილის გამზირი N74ა-ს მიმდებარედ არსებულ შესახვევში საგზაო ინფრასტრუქტურა მოწესრიგდა. პროექტის ფარგლებში, მოეწყო ბორდიური და 1 450 კვ.მ ფართობზე ასფალტის ორფენიანი საფარი დაიგო. თბილისის მერიის ინფორმაციით, ბოლო ეტ

მონაცემები კვლავ განახლდა! - vali.ge-ს ერთიან ბაზას კიდევ 7 საფინანსო ორგანიზაციის მონაცემები დაემატა

17 დეკემბერი, 2018 , 15:25

პრობლემური სესხების განულებისთვის შექმნილ სპეციალურ ვებგვერდზე - vali.ge მონაცემები კვლავ განახლდა - 17 დეკემბერს, ერთიან ბაზას, დამატებით, 7 საფინანსო ორგანიზაციის მონაცემები დაემატა. საქართველოს ფინანსთა სამინისტროს ინ

გორში ინტოქსიკაციის შედეგად ჰოსპიტალში გადაყვანილი ორი ახალგაზრდის მდგომარეობა უმძიმესია

17 დეკემბერი, 2018 , 13:25

გორში, სამეფოს ქუჩაზე ინტოქსიკაციის შედეგად ჰოსპიტალში გადაყვანილი ორი ახალგაზრდა უმძიმეს მსგომარეობაში იმყოფება. გორის სამხედრო ჰოსპიტალის პრესსამსახურის ინფორმაციით, 25 და 35 წლის ახალგაზრდები ინტქოსიკაციის დიაგნოზით მ

საქართველოში საშუალო ხელფასი 1 125 ლარია - საქსტატი

17 დეკემბერი, 2018 , 11:45

2018 წლის მესამე კვარტალში საქართველოში საშუალო თვიური ნომინალური ხელფასი გასული წლის შესაბამის პერიოდთან შედარებით 56.4 ლარით გაიზარდა და 1125.5 ლარი შეადგინა. საქსტატის მონაცემებით, ხელფასების ზრდა შეინიშნებოდა თითქმის