უკან

უახლესი ამბები

დღის კალენდარი

ანონსები

არქივი

პოლიტიკა

22 ივნისი, 2017 16:15
font-size

უსაფუძვლო თავდაჯერებულობა, სიხისტე და ამპარტავნება ყოველთვის ცუდი შედეგით სრულდება - ირმა ინაშვილი

პარლამენტის ვიცე-სპიკერი, პატრიოტთა ალიანსის წევრი, ირმა ინაშვილი სოციალური ქსელით გამოეხმაურა საპარლამენტო უმრავლესობის ლიდერის, არჩილ თალაკვაძის გუშინდელ განცხადებას, ოპოზიციის მიერ რიგგარეშე სხდომებისთვის ბოიკოტის გამოცხადებასთან დაკავშირებით.

,,გუშინ უმრავლესობის ერთ-ერთმა ლიდერმა არჩილ თალაკვაძემ განაცხადა, რომ რაკი ოპოზიცია ბოიკოტს უცხადებს რიგგარეშე სხდომებს და საკონსტიტუციო ცვლილებების მიღებას, მომავალი არჩევნების შემდეგ, პარლამენტში მათ ადგილს სხვა პარტიები დაიკავებენ.

გამოდის, რომ არჩილს, რომელიც დარჩენილი მანდატების მითვისების მოდელის ერთ-ერთი აქტიური მხარდამჭერი იყო, ჰგონია, რომ თავად წყვეტს, ვინ მოხვდება მომავალ პარლამენტში და ვინ-არა?!
გამოდის, რომ არჩილი და მისი პარტიული თანამოაზრეები, რომლებიც კონსტიტუციის საჯარო განხილვებისას მუდმივად საუბრობდნენ „ნულპროცენტიან პარტიებზე“, აუქმებდნენ საარჩევნო ბლოკებს და ამ პარტიებს სახელმწიფო სახსრების მითვისებაში სდებდნენ ბრალს, ამართლებდნენ და ამართლებენ მთელ რიგ ცვლილებებს, რაც ქვეყანაში პოლიტიკურ კლასს ჰკლავს, დღეს ამ „ნულპროცენტიანი პარტიების“ გულშემატკივრებად გვევლინებიან?!

ამოდის, რომ არჩილს საკუთარი თავი საქართველოს მოსახელობა ჰგონია და ამ მოსახლეობის არჩევანი წინასწარ აქვს განსაზღვრული?! ერთი წამითაც არ ფიქრობს,- თვითონ... პერსონალურად მოხვდება თუ არა იმ მომავალ, 2020 წლის პარლამენტში.

ახლა, მე რას ვფიქრობ: მე ვიყავი და ვარ მრავალპარტიულობის მომხრე, პლურალიზმის მომხრე და ამ პოზიციას ყველგან მკაფიოდ ვაფიქსირებდი. ჩემთვის, არჩილისაგან განსხვავებით, არ იქნება ტრაგედია, თუ მომავალ პარლამენტში მე, ირმა ინაშვილი არ მოვხვდები და სხვა, გაცილებით უკეთესი ლიდერი შემცვლის ჩვენი პარტიიდან, მაგრამ ეს ქართველი ამომრჩევლის გადასაწაყვეტია და არა ჩემი, ან არჩილის.

მე არასდროს მომივიდოდა თავში დარჩენილი მანდატების ცინიკურად მითვისების იდეა. დარჩენილ ხმებს სამართლიანად და თანაბრად გავანაწილებდი ბარიერგადალახულ პარტიებზე და თუ მაინც და მაინც ასეთი მავნე აზრი მომივიდოდა, ამ იდეას საკუთარ თავშივე მოვკლავდი.

მე არ გავბედავდი შემომეტანა პარლამენტში ყოვლადგაუმართლებელი ცვლილებები საარჩევნო კოდექსში, რომლის თანახმადაც, ცესკოს სისტემაში უმრავლეობა იქნებოდა ჩემი პარტია... რომლის თანახმად, სარჩევნო კომისიის თავმჯდომარეს უფლება აქვს თავისუფლად გააძევოს საარჩევნო უბნიდან სხვა პარტიის წარმომადგენელი.

რომლის თანახმადაც, ადმინისტრაციული რესურსის გამოყენებისათვის არა თუ ისჯება თანამდებობის პირი, არამედ გამგებელს უბნიდან საარჩევნო სიის გამოტანის უფლება ენიჭება, ანუ დაკანონებულია ამომრჩევლის დატერორება.

მე არ მოვატყუებდი არც საკუთარ თავს და არც საზოგადოებას, რომ თითქოსდა ვცვლი საარჩევნო სისტემას და გადავდივარ პროპორციულ სისტემაზე, არამედ ქვეყანაში შევქმნიდი პირობებს თავისუფალი არჩევნების ჩასატარებლად და არ ვიზრუნებდი იმაზე, რომ მოვიხვეჭო „სტაბილური უმრავლესობა“, უსამართლობის ხარჯზე.

მე არ დავაკანონებდი უკანონო წნეხს, რომ მარადიულად ჩვენი პარტია იყოს ხელისუფლებაში. ყველა პირობას შევქმნიდი სხვა პარტიების განვითრებისათვის, რადგან მე მაშინ ვარ ძლიერი, როცა ძლიერია ჩემი კონკურენტი და ბრძოლაც მაშინაა საინტერესო, როცა შენი მეტოქე საინტერესოა.

მე არ დავჩაგრავდი ოპოზიციას, თუ ვიქნებოდი უმრავლესობაში. მოვუსმენდი მას, გავითვალისწინებდი მის აზრს, დავთმობდი კიდეც პოზიციებს, თუ ოპოზიციის აზრის სისაღეში დავრწმუნდებოდი და არ გამოვიჩენდი უაზრო გონორს, რასაც იჩენს არჩილიც და ზოგიერთი მისი თანაპარტიელიც.

ვწუხვარ, მაგრამ ასეთი უსაფუძვლო თავდაჯერებულობა, სიხისტე და ამპარტავნება ყოველთვის ცუდი შედეგით სრულდება. უბედურება იმაშია, რომ და ეს ცუდი შედეგი ქვეყანაზე ისახება, თორემ მარტო არჩილის პოლიტიკურ მომავალზე რომ აისახოს (და ვარწმუნებ მას - აისახება), ამას როგორმე აიტანდა საქართველო’’, - წერს ირმა ინაშვილი.

პარლამენტმა „სახელმწიფო ინსპექტორის სამსახურის შესახებ“ საქართველოს კანონში ცვლილებები მესამე მოსმენით მიიღო

20 სექტემბერი, 2019 , 13:10

„სახელმწიფო ინსპექტორის სამსახურის შესახებ“ საქართველოს კანონში ცვლილების შეტანის თაობაზე“ კანონპროექტი პარლამენტმა დაამტკიცა. კანონი სახელმწიფო ინსპექტორის სამსახურს გამოძიების ჩატარებისა და ოპერატიულ-

პარლამენტში ქეთევან ციხელაშვილს მოუსმენენ

20 სექტემბერი, 2019 , 10:20

საქართველოს პარლამენტში მინისტრის საათის ფორმატში დღეს შერიგებისა და სამოქალაქო თანასწორობის საკითხებში სახელმწიფო მინისტრს, ქეთევან ციხელაშვილს მოუსმენენ. სახელმწიფო მინისტრი საქართველოს ოკუპირებულ ტერიტორიებთან დაკავში

„ევროპულმა საქართველო“ შეწყალებების საქმეზე გამოძიებას ითხოვს და პროკურატურას მიმართავს

19 სექტემბერი, 2019 , 16:25

„ევროპულმა საქართველომ“ შეწყალებების საქმეზე გამოძიების დაწყების მოთხოვნით პროკურატურას მიმართა. გენერალური პროკურატურისთვის გაგზავნილ წერილში, პარლამენტის დეპუტატი 28 აგვისტოს პრეზიდენტის მიერ გამოცემულ შეწყ

ნათია მეზვრიშვილი პრემიერ-მინისტრის აპარატის უფროსად დაინიშნა

19 სექტემბერი, 2019 , 12:25

შინაგან საქმეთა მინისტრის ყოფილი მოადგილე ნათია მეზვრიშვილი საქართველოს პრემიერ-მინისტრის აპარატის უფროსად დაინიშნა. ნათია მეზვრიშვილმა აღნიშნულ თანამდებობაზე გიორგი ჭოლაძე შეცვალა. ნათია მეზვრიშვილი შს მინისტრის მოადგილ

2020 წლის ბიუჯეტი პირველ რიგში ორიენტირებული უნდა იყოს მოქალაქეზე - გიორგი გახარია

19 სექტემბერი, 2019 , 10:55

2020 წლის ბიუჯეტი პირველ რიგში ორიენტირებული უნდა იყოს მოქალაქეზე და ყველამ უნდა გავითვალისწინოს სახელმწიფოს სოციალური პასუხისმგებლობა, - ამის შესახებ საქართველოს პრემიერ-მინისტრმა გიორგი გახარიამ მთავრობის სხდომაზე განა

ლევან კობერიძე ინიციატივით გამოდის, 2020 წლის არჩევნებში მონაწილეობა სავალდებულო იყოს

18 სექტემბერი, 2019 , 16:05

პარლამენტის წევრი ლევან კობერიძე კონსტიტუციური კანონპროექტის საყოველთაო-სახალხო განხილვაში მონაწილეობს და სოციალურ ქსელში პროპორციული საარჩევნო სისტემის თემას ეხმიანება. დეპუტატი ინიციატივით გამოდის, რომ 2020 წლის არჩევნ

პირდაპირი TV

daily calendar

ვიდეო გალერეა

ზაზა ოქუაშვილი ახალი მასშტაბური კორუფციული სქემის შესახებ საუბრობს