უკან
მსოფლიო
7 ივნისი, 2017 12:50
უცნობმა პირებმა ირანის პარლამენტსა და მავზოლეუმში ცეცხლი გახსნეს
ირანის პარლამენტში უცნობმა პირებმა ცეცხლი გახსნეს. თავდასხმის შედეგად ერთი ადამიანი დაიღუპა, რვამ სხვადასხვა სახის დაზიანება მიიღო.
გარდა ამისა, სააგენტო Tasnim-ის ინფორმაციით, თავდასხმა იმამის ხომენეის მავზოლეუმზეც განხორციელდა, ამ შემთხვევაში, ერთი ადამიანი დაიღუპა, ხუთი დაშავდა.
სააგეტოს ინფორმაციით, თავდასმხმას სამი პირი ახორციელებს, ისინი კალაშნიკოვის ტიპის ავტომატითა და პისტოლეტით არიან შეიარაღებული.
ასევე, ვრცელდება ინფორმაცია, რომ ბოროტმოქმედებმა მძევლებიც აიყვანეს.
თავდამსხმელების ვინაობა ჯერჯერობით დადგენილი არ არის.
ამასთან, მედიის ინფორმციით, სროლის მიუხედავად, ირანის საპარლამენტო სესია არ შეყწვეტილა, მისი ტრანსლირება ეროვნული რადიოს ეთერით მიმდინარეობს.
მონიკა დავლიანიძე