უკან
სამართალი
28 აპრილი, 2017 11:40
უვადოდ დანიშნული მოსამართლეებისთვის გარკვეული შეფასების სისტემა უნდა დაწესდეს - ლევან მურუსიძე
იუსტიციის საბჭოს მდივნის, ლევან მურუსიძის განცხადებით, უვადოდ დანიშნული მოსამართლეებისთვის გარკვეული შეფასების სისტემა უნდა დაწესდეს.
აღნიშნული განცხადება მურუსიძემ მოსამართლეთა საერთაშორისო კონფერენციის გახსნამდე გააკეთა, რომელზეც მართლმსაჯულების სფეროში არსებულ გამოწვევებზე მსჯელობენ.
"ეს სისტემა საერთაშორისო ექსპერტებთან კონსულტაციების შედეგად უნდა შევიმუშავოთ. ეს არ ნიშნავს, რომ დადგინდეს ესა თუ ის მოსამართლე კარგია თუ ცუდი. ამ სისტემაზე იქნება დამოკიდებული მოსამართლეების დაწინაურება, ხელფასებისა და დანამატების განსაზღვრა,"- განაცხადა მურუსიძემ.
ნინო ექვთიმიშვილი