პოლიტიკა
ვაჟა გაფრინდაშვილის გათავისუფლებისთვის ჩვენ გვჭირდება სიმშვიდე და ერთიანობა - არჩილ თალაკვაძე
ხელისუფლება და ჩვენ, საერთაშორისო საზოგადოებასთან ერთად, ყველაფერს ვაკეთებთ, რომ ვაჟა გაფრინდაშვილი დაუბრუნდეს თავის ოჯახს და თავის საქმეს, - ამის შესახებ პარლამენტის თავმჯდომარე არჩილ თალაკვაძემ ბიუროს სხდომაზე განაცხადა.
მისი თქმით, ვაჟა გაფრინდაშვილის დაკავებით, საოკუპაციო რეჟიმი კიდევ ერთხელ გაემიჯნა ადამიანურ ღირებულებებს.
„მინდა გამოვეხმაურო სამაგალითო მამულიშვილის, პროფესიონალი ექიმის, ვაჟა გაფრინდაშვილის უკანონო დაკავების ფაქტს. სამწუხაროდ, ეს ადამიანი დააკავეს მაშინ, როდესც ის განსაცდელში მოფ ადამიანებს ეხარებოდა. ეს არის გაუგონარი ბოროტება და ამით საოკუპაციო რეჟიმმა კიდევ ერთხელ აჩვენა თავისი სახე და კიდევ ერთხელ გაემიჯნა ადამიანურ ღირებულებებს. ხელისუფლება და ჩვენ, საერთაშორისო საზოგადოებასთან ერთად, ყველაფერს ვაკეთებთ, რომ ვაჟა გაფრინდაშვილი დაუბრუნდეს თავის ოჯახს და თავის საქმეს. მისი გათავისუფლებისთვის ჩვენ გვჭირდება სიმშვიდე და ერთიანობა,“ - განაცხადა არჩილ თალაკვაძემ.