უახლესი ამბები
- 23.04.2024 17:34კონტრაქცია ნიშნავს, რომ „ქართული ოცნების“ ბოლო ჟამია - სოფო ჯაფარიძე
- 23.04.2024 17:26კანონზე მსჯელობენ პოლიტიკური პარტიები პარლამენტში და არა ვიღაც გარედან, თუნდაც პარტნიორი, ოპოზიციამ კეთილი უნდა ინებოს და დაამტკიცოს, რომ კანონი არ არის კარგი - ირაკლი კობახიძე
- 23.04.2024 17:21ბიზნესი მხარს უჭერს „ქართულ ოცნებას“, ხელისუფლებას, იქიდან გამომდინარე, რომ ჩვენი უმთავრესი მიღწევა ამ ქვეყანაში არის ბიზნესის რეკეტის ერთხელ და სამუდამოდ დასრულება - ირაკლი კობახიძე
არქივი
სამართალი
ვალერი გელაშვილის ცემის საქმეზე მოსამართლე განაჩენის გამოსატანად სათათბიროდ გავიდა
დეპუტატ ვალერი გელაშვილის ცემის საქმეზე მოსამართლე შორენა გუნცაძემ სისხლის სამართლის საქმის განხილვა დღეს დაასრულა და განაჩენის გამოსატანად სათათბიროდ გავიდა.
საქმეზე ბრალი ყოფილ პრეზიდენტს მიხეილ სააკაშვილს აქვს წაყენებული.
როგორც მიხეილ სააკაშვილის ადვოკატმა ირმა ინასარიძემ დასკვნით სიტყვაში თქვა, საქმის მთავარი მოწმეები მიხეილ სააკაშვილის პოლიტიკური მტრები არიან.
დასკვნითი სიტყვის დასრულების შემდეგ მხარეებმა რეპლიკებით ისარგებლეს, რის შემდეგაც მოსამართლე შორენა გუნცაძე სათათბიროდ გავიდა.
ცნობისათვის, საქართველოს პარლამენტის წევრ ვალერი გელაშვილზე 2005 წელს მომხდარი შეიარაღებული თავდასხმის და მისი ცემის საქმეზე, საქართველოს ყოფილ პრეზიდენტს მიხეილ სააკაშვილს, ძალადობით სამსახურებრივი უფლებამოსილების გადამეტება და ჯანმრთელობის განზრახ მძიმე დაზიანების ორგანიზება ედება ბრალად. მასთან ერთად ამავე საქმეზე პასუხისგებაში შინაგან საქმეთა ყოფილი მინისტრი ივანე მერაბიშვილი, სპეციალური ოპერატიული დეპარტამენტის ყოფილი უფროსი ერეკლე კოდუა და ამავე დეპარტამენტის სამმართველოს ყოფილი უფროსი გია სირაძე მიეცნენ. აღნიშნულ საქმეზე მერაბიშვილის, კოდუასა და სირაძის მიმართ გამამტყუნებელი განაჩენებია დამდგარი. კერძოდ, ივანე მერაბიშვილს საქალაქო სასამართლომ 6 წლითა და 9 თვით, ერეკლე კოდუასა და გია სირაძეს კი 9 წლით თავისუფლების აღკვეთა აქვთ შეფარდებული.