უკან

სამართალი

12 თებერვალი, 2019 17:42
font-size

ვალერი ირემაძე – “მე რა შუაში ვარ, ვერ გავიგე” – გოგიტა ირემაძეს 20 ჭრილობა აქვს მიყენებული

ძმისშვილის მკვლელობაში ბრალდებულ 29 წლის, ვალერი ირემაძის სასამართლო პროცესი რუსთავის საქალაქო სასამართლოში დასრულდა.

ბრალდებულს სისხლის სამართლის კოდექსის 109-ე მუხლი წარედგინა, რაც დამამძიმებელ გარემოებაში არასრულწლოვანის განძრახ მკვლელობას გულისხმობს. ბრალის დამტკიცების შემთხვევაში ვალერი ირემაძეს 16-20 წლამდე ან უვადო პატიმრობა ემუქრება.

სხდომაზე ბრალდებული დამამშვიდებელი მედიკამენტების ზემოქმედების ქვეშ იმყოფებოდა. სასამართლო სხდომის განმავლობაში მოსამართლის მადონა მაისურაძის მიერ გამოტანილი დანაშაული ბრალდებულისთვის გაუგებარი იყო, მისი თქმით, ვერ ხვდებოდა, თუ რაში მიუძღვოდა დანაშაული და რატომ იმყოფებოდა სასამართლო დარბაზში.

“ბრალდებულმა განსაკუთრებული სისასტიკით, საოჯახო დანის გამოყენებით, 13 წლის ძმისშვილს სხეულის სხვადასხვა მიდამოში 20-მდე ჭრილობა მიაყენა, რის შემდგომაც არასრულწლოვანი გარდაიცვალა. ბრალდებულს წარედგინა ბრალდება, რომელიც გათვალისწინებულია სსკ-ის 109-ე მუხლის მეორე და მესამე ნაწილის ბ ქვეფუნქტებით.

დღეს ბრალდებულის მხარეს სასამართლოს მიმართა შუამდგომლობით, რომ ბრალდებულის მიმართ გამოყენებული იქნას პატიმრობა, საზოგადოებაში არსებული მოარული ხმები, რომ ბრალდებულს აღენიშნებოდა დანაშაულის ჩადენისას ფსიქიკური აშლილობა და იყო შეურაცხადი, ამასთან დაკავშირებით ბრალდების მხარემ დანიშნა სტაციონალური ფსიქიატრიული ექსპერტიზა. დასკვნის შედეგად გადაწყდება მართლაც შეურაცხადი იყო თუ არა ბრალდებული დანაშაულის ჩადენისას, სწორედ ეს იქნება განმსაზღვრელი იმის მოხდება ბრალდებულის სისხლის სამართლებრივი წესით გასამართლება, თუ დაენიშნება იძულებრივი ფსიქიატრიული მკურნალობა”,-განაცხადა “ინფო რუსთავთან” საუბრისას პროკურორმა ლევან ჯალაღანიამ.

“ჩვენ ვეთანხმებით, იმას რომ აუცილებელია, ბრალდებული მოთავსებული იქნას ფსიქიატრიულ დაწესებულებაში ექსპერტიზისათვის და დაცვის მხარე ვერ დავუშვებთ თუნდაც მცირედ შანსსაც, რომ ამ პროცესს დაბრკოლება შეექმნას. ექსპერტიზასთან დაკავშირებით სასამართლოსადმი უკვე მივმართეთ”-განაცხადა ბრალდებულის ადვოკატმა ზურაბ დალაქიშვილმა.

შეგახსენებთ, რომ 10 თებერვალს რუსთავში 29 წლის მამაკაცმა 13 წლის ძმისშვილს დანით სასიკვდილო ჭრილობები მიაყენა, რა დროსაც არასრულწლოვანი გარდაიცვალა.

პროკურორის განცხადებით, ბრალდებული შემთხვევამდე 2008 და 2014 წლებში ძარცვასა და მეზობლის ცემის გამო ორჯერ იყო ნასამართლევი. მისი ოჯახის წევრების თქმით, დაახლოებით ერთი კვირაა, რაც ბრალდებულს ფსიქიკური აშლილობა დაეწყო.

საქმესთან დაკავშირებით შემდეგი სასამართლო პროცესი რუსთავის სასამართლოში 2019 წლის 4 აპრილს არის ჩანიშნული.

ინფორუსთავი

ზუგდიდის საავადმყოფოში შეყვანილი ათი ბავშვის საქმეზე შსს-მ გამოძიება ტრეფიკინგის მუხლით დაიწყო

20 აპრილი, 2019 , 15:54

ზუგდიდის საავადმყოფოში ინტოქსიკაციის ნიშნებით შეყვანილი ათი ბავშვის საქმეზე შსს-მ გამოძიება ტრეფიკინგის მუხლით დაიწყო. საგამოძიებო უწყების ინფორმაციით, უკრაინის მოქალაქე, რომელიც ზუგდიდში ერთ-ერთ ბინაში 10 ბავშვთან ერთად

„ლიბერთი ბანკის“ დაყაჩაღების ფაქტზე სამი პირია დაკავებული

20 აპრილი, 2019 , 13:26

შინაგან საქმეთა სამინისტრომ „ლიბერთი ბანკის“ დაყაჩაღების ფაქტზე სამი პირი დააკავა. ამის შესახებ დღეს გამართულ ბრიფინგზე შს მინისტრისპირველმა მოადგილემ კახა საბანაძემ განაცხადა. მისი თქმით, მიმდინარე წლის 19 ა

სამართალდამცველებმა ნარკოდანაშაულისთვის ორი პირი დააკავეს

20 აპრილი, 2019 , 11:30

შინაგან საქმეთა სამინისტროს თბილისის პოლიციის დეპარტამენტის საგამოძიებო სამმართველოს თანამშრომლებმა, ჩატარებული ოპერატიულ-საგამოძიებო მოქმედებების შედეგად, დიდი ოდენობით ნარკოტიკული საშუალების უკანონო შეძენა-შენახვის ბრა

სახელმწიფო შესყიდვების პროცესში არსებული კანონსაწინააღმდეგო ქმედებებისთვის 6 პირი პასუხისგებაში მისცა

20 აპრილი, 2019 , 11:30

დასავლეთ საქართველოს საოლქო პროკურატურის საგამოძიებო ნაწილმა, სახელმწიფო აუდიტის სამსახურის მიერ მოწოდებული დასკვნის გათვალისწინებით, ვანის მუნიციპალიტეტის გამგეობის მიერ, 2015 წლის მანძილზე გამარტივებული შესყიდვით გაფორ

პოლიციამ ბათუმში სწრაფი ჩარიცხვის აპარატის გაქურდვის ფაქტი აღკვეთა

20 აპრილი, 2019 , 11:30

შინაგან საქმეთა სამინისტროს აჭარის პოლიციის დეპარტამენტის ბათუმის საქალაქო სამმართველოს თანამშრომლებმა, სწრაფი ჩარიცხვის აპარატის გაქურდვის მცდელობის ბრალდებით, 1989 წელს დაბადებული ლ.შ. დააკავეს. დანაშაული 3-დან 5 წლამდ

ირანის მოქალაქეებისთვის საქართველოში შემოსვლაზე უარის თქმის ფაქტები გაიზარდა

19 აპრილი, 2019 , 13:30

საქართველოში ირანიდან მარტში 1815 პირი არ შემოუშვეს, რაც წინა თვეების მაჩვენებელზე სამჯერ მეტია. კერძოდ, ქვეყანაში შემოსვლაზე უარი იანვარში ირანის 576 მოქალაქეს ეთქვა, თებერვალში 564 მოქალაქეს. 2018 წელს, 12 თვის განმავლ

ვიდეო გალერეა

ნატო ჩხეიძე ინგა გრიგოლიასთან `რეაქციაში` - 07.03.2019