სამართალი

ვალესა და ქუთაისის აეროპორტში ნარკოტიკული და ფსიქოტროპული ნივთიერებების შემცველი მედიკამენტები

10 აგვისტოს, საბაჟო გამშვებ პუნქტებში ,,ვალე“ და ,,ქუთაისის აეროპორტი“, ნარკოტიკული და ფსიქოტროპული ნივთიერებების შემცველი მედიკამენტების ქვეყანაში უკანონოდ შემოტანის მცდელობის ფაქტები აღიკვეთა. კერძოდ, ფინანსთა სამინისტროს შემოსავლების სამსახურის მებაჟე ოფიცრებმა, საბაჟო გამშვებ პუნქტში ,,ვალე“ ეჭვის საფუძველზე, ირანის ისლამური რესპუბლიკის მოქალაქის ა.ტ.-ს კუთვნილი ავტომობილის დათვალიერებისას, ნარკოტიკული ნივთიერების შემცველი მედიკამენტი აცეტამინოფენ კოდეინი (ACETAMINOPHEN CODEINE 8 აბი) და პოლიეთილენის პარკში გახვეული ოპიუმის შემცველი ნარკოტიკული საშუალება (0,57 გრამი ) აღმოაჩინეს. იმავე დღეს, საბაჟო გამშვებ პუნქტში ,,ქუთაისის აეროპორტი“ ფინანსთა სამინისტროს შემოსავლების სამსახურის მებაჟე ოფიცრებმა, ბრაზილიის მოქალაქის ა.ბ.-ს კუთვნილი ხელბარგების, ეჭვის საფუზველზე დათვალიერებისას, ფსიქოტროპული მედიკამენტი პრეგაბალინი (PREGABALINE 14 კაფსულა) აღმოაჩინეს.

საქმეთა მასალები შემდგომი რეაგირების მიზნით შინაგან საქმეთა სამინისტროს გადაეცა.