საზოგადოება

ვანო მერაბიშვილი ე.წ. მატროსოვის ციხეში გადაიყვანეს

საქართველოს ყოფილმა პრემიერ-მინისტრმა და შინაგან საქმეთა ყოფილმა მინისტრმა ვანო მერაბიშვილმა კლინიკა „მედიქლაბი“ დატოვა. ის ე.წ. მატროსოვის ციხეში გადაიყვანეს.

მერაბიშვილი კლინიკაში დამატებითი კვლევებისთვის იყო გადაყვანილი.

გუშინ ვანო მერაბიშვილის მკურნალმა ექიმმა ელენე ხურციძემ თქვა, რომ მისი მდგომარეობა სტაბილურია და შეშფოთების საფუძველი არ არსებობს. ექიმის თქმით, სიმსივნე გამოირიცხა და ამ დროისთვის ჰორნერის სინდრომის დიაგნოზზე მუშაობენ. ექიმის ინფორმაციით, ყოფილი პრემიერის ჯანმრთელობის მდგომარეობასთან დაკავშირებით „მედიქლაბში" ექიმების კონსილიუმი შეიკრიბა.